必勝客

營業中

休息中

好耐冇食pizza hut， 到apm行街心血來潮食Pizza， 兩個人就叫鬆厚批二人套餐$281（熱草莓夢幻， 凍檸檬茶， 忌廉雞湯， 葡汁焗蔬菜， 千島海鮮薄餅， 本身點菠菜蘑菇長通粉， 但因為賣完了，所以加$10 龍蝦汁海鮮意大利粉。）熱草莓夢幻～ 酸酸甜甜又幾好飲喎， 飲到底部仲見到好多草莓粒。凍檸檬茶～ 以前細個放學好鍾意食Pizza Hut， 必點凍檸檬茶 ， 因為可以無限添飲， 而家飲一杯都飲唔完。忌廉雞湯～ 可能當晚比較多人， 羅宋雜菜湯已經賣完，所以沒有得揀的情況下，就是忌廉雞湯， 味道普通不過不失。葡汁焗蔬菜～ 有西蘭花，椰菜和紅蘿蔔粒， 葡汁味都幾香的。千島海鮮薄餅～ 一向最喜歡吃都是千島海鮮薄餅， 但今次水準跌了， 千島味偏淡， 沒有海鮮， 只有少量吞拿魚蓉。龍蝦汁海鮮意大利粉～ 份量比較少， 都有微微的龍蝦汁味， 整體可以接受。間中食下pizza hut都唔錯， 可能是情意結和童年回憶， 加上這裏的下午茶係幾抵食的。