影片
更多
2022-06-14
95 瀏覽
自從天氣熱左後就好耐無打邊爐，見天氣涼番小小就去打個邊爐。今次去左旺角位於豉油街既一鍋堂，上到去人頭湧湧，好彩訂左位等左一陣就入得。鋪頭同外面既任食火鍋店相似，以唔同餐(A,B,C)劃分，晚市最平208到最貴288，分別係牛肉既種類同食品數量既分別。當日就叫左B餐，湯底就叫左沙爹湯。坐低後店員好多就送上火鍋湯，而食物需自己用手機落單，小食飲品同蔬菜就擺係出邊雪櫃比客人任拎。雪櫃望落光猛乾淨，惟可晚當晚太多人，飲品雪唔夠，有部份飲品唔係好夠凍。 前菜小食有小小冷盤選擇，如麻辣豬耳及雞腎，兩者調味都以麻辣為主，豬耳食落爽口而雞腎則多左滷水味滷得入味。 到左打邊爐重頭戲：牛肉，個人認為B餐性價比最高，可食到安格斯牛，牛脷芯及封門柳，如果想食和牛可嗌最貴既餐。 封門柳食落有肉甜及重牛味，叫左好多碟都無筋，抵讚，如果可以切厚小小就更加食到封門柳既特色，不過任食黎講有封門柳食已經好抵讚。安格斯牛就油花分明小小，刨成薄片，一烚就食得，肉味相對無封門柳咁重但油分重D。牛脷芯食落爽口，牛味亦有，食落無渣。好小見任食火鍋鋪頭有牛脷提供，記得果日encore左好多次，正。 當日仲食左其他火鍋配料，整體都滿意
鋪頭同外面既任食火鍋店相似，以唔同餐(A,B,C)劃分，晚市最平208到最貴288，分別係牛肉既種類同食品數量既分別。
當日就叫左B餐，湯底就叫左沙爹湯。
坐低後店員好多就送上火鍋湯，而食物需自己用手機落單，小食飲品同蔬菜就擺係出邊雪櫃比客人任拎。雪櫃望落光猛乾淨，惟可晚當晚太多人，飲品雪唔夠，有部份飲品唔係好夠凍。
前菜小食有小小冷盤選擇，如麻辣豬耳及雞腎，兩者調味都以麻辣為主，豬耳食落爽口而雞腎則多左滷水味滷得入味。
到左打邊爐重頭戲：牛肉，個人認為B餐性價比最高，可食到安格斯牛，牛脷芯及封門柳，如果想食和牛可嗌最貴既餐。
封門柳食落有肉甜及重牛味，叫左好多碟都無筋，抵讚，如果可以切厚小小就更加食到封門柳既特色，不過任食黎講有封門柳食已經好抵讚。
安格斯牛就油花分明小小，刨成薄片，一烚就食得，肉味相對無封門柳咁重但油分重D。
牛脷芯食落爽口，牛味亦有，食落無渣。好小見任食火鍋鋪頭有牛脷提供，記得果日encore左好多次，正。
當日仲食左其他火鍋配料，整體都滿意，丸類推薦牛粒牛丸，食落彈牙爽口同時會爆汁；蔬菜亦十分新鮮唔會乾哂同黃哂。不過打邊爐黎講牛肉先係重點！食多幾碟牛仲好！
飲品方面亦有好多選擇，由汽水到無汽既台式飲品如冬瓜茶，柑桔檸檬都有，不過飲品提供可能時時都唔同，以往黎食過幾次都有唔同既選擇。
總結黎講，餐廳食物種類多，對得住價錢，最岩一大班人打邊爐可以任嗌。
張貼
