2
所以都唔使等位，店員俾我哋坐最後嗰張四人枱，睇menu，
49
58
啲菜名好攪鬼，最後我哋揀咗：
5. $58.00嘅蝦醬雞翼
我哋點完嘢食，店員問我哋要唔要埋呢個？都好食。我答驚食唔晒，佢答好卵！闔家富貴緊張咖哩麵係一人份唔多，只係餸多。所以我哋要埋唔記得嘅呢個。
我咗一啲時間到嚟，睇見一客5隻唔算細，顏色炸得好靚，食落，外面好脆，亦好夠蝦醬味，內裡juicy亦唔嚡，口感正常。
5分
2. $28.00嘅熱淨混桔
由於冷氣開得大，所以唔叫凍飲，原本想要闔家混桔（經典桔仔混酸梅混橙汁），但呢個冇熱，所以只好揀呢個。
呢個係經典桔仔混酸梅，見到呢個有多一片檸檬，篤完飲，味道酸澀。
2分
3. $28.00嘅熱好膏！混桔
經典桔仔混酸梅混枇杷膏，顏色當然比熱淨混桔深，試吓飲，枇杷膏味道好濃，本身食唔到枇杷膏嘅我，飲咗一啖就唔飲啦。
3分
1. $288.00嘅好卵！闔家富貴緊張咖哩麵
有流心蛋，龍蝦，鮑魚，軟殼蟹，咖哩雞，魚蛋，怡保炸腐竹，豆卜，芽菜同豆角。
呢個等咗好耐至整好，下面用乾冰座住，令賣相生色不少。
我哋開動啦，麵係參參麵，
1
湯底似喇沙湯多過咖哩，辣辣地，我接受到。
其他食材方面，口感大致正常，鮑魚腍得嚟適中；怡保炸腐竹仍脆；軟殼蟹口感正常，但脆漿鹹咗啲；一開二嘅龍蝦有炸過，店員自動俾咗刀叉我哋，我起好肉，
2
味道鮮甜，而從來未蘸過喇沙湯食，今次就有機會喇；咖哩雞就人係一隻雞髀，正常冇乜問題。
4.5分
4. $48.00嘅班蘭巴斯克芝士蛋糕
呢隻味唔喺喥喥有，所以必叫，size正常，食落，班蘭味好夠，正，又唔鹹，撈埋焦香外層食，好味。
5分
環境：
一入去已經嗅到大陣喇沙味，坐低後覺得冷氣開得好大，但都闊落嘅。
成班後生仔播上世紀八，九十年代嘅廣東撈日文歌，有品味。
門口有啲擺設都好幽默。
3
價錢：
有加一服務費，即係$495.00。
2.7分
其他：
張墊枱紙印有創辦人點解改呢間舖嘅名同揀開喺深水埗嘅原因等。
2
呢喥重有其他嘢賣，例如曲奇餅，
手工香水。
