Mamaday (已搬遷) 新店位置

近來Mamaday 係大熱打卡餐廳之選，仲好難訂到位添，但原來平日12點前walkin，係仲有機會入到去坐，所以就提早左時間嚟試啦！餐廳以「麻麻地」做主題，但其實內外裝潢同餐牌都設計得好有心思，好有玩味，一d都唔麻麻地！我地食左個「有蟹GO又有蟹肉的蟹蟹蟹意大利扁麵」，個意粉同個名一樣，蟹味好濃郁，有真蟹肉有蟹糕，份量大方。仲有食左明太子薯條，不得了，係薯條上有明太子，另外仲俾左一碟明太子我地點嚟食，即刻覺得個物超所值。整體呢間係值得一試再試。