影片
更多
2021-08-04
228 瀏覽
天氣熱嘅時候特別想食西瓜，有日突然諗起LIFETASTIC嘅招牌西瓜蛋糕 ，發現原來IFC都有分店，於是決定放工去買返屋企做飯後甜品。大概七點去到剩返嘅蛋糕款式已經唔多，只有四款，好在仲有西瓜蛋糕。蛋糕盒同紙袋都好靚，雖然只係買兩件蛋糕，但都有畀一包保冷劑，天氣熱都唔怕蛋糕會溶。招牌草莓西瓜蛋糕頂層係士多啤梨，表面有乾玫瑰花瓣同開心果碎，賣相好靚。士多啤梨雖然唔算甜，但夾埋蛋糕一齊食都唔錯。下一層同底層係杏仁蛋白餅，帶有少少杏仁香味而且唔會太甜。忌廉有淡淡嘅玫瑰味，味道天然相信係用天然玫瑰花水，而唔係人工香精。中間嘅西瓜爽甜清新，夾埋玫瑰忌廉同杏仁蛋白餅一齊食，口感豐富
朱古力茉莉花茶蛋糕賣相都好靚，表面鋪滿洋梨片，仲有一粒迷你洋梨，好可愛茉莉花茶味嘅蛋糕唔常見，我都係第一次食。茉莉花茶mousse茶味幾突出，同朱古力味好夾，係個幾好嘅配搭。反而朱古力蛋糕同忌廉唔算濃朱古力味，可能係唔想搶咗茉莉花茶嘅味道。已經幫襯過幾次LIFETASTIC，蛋糕一直水準穩定招牌草莓西瓜蛋糕尤其出色，久唔久諗起都想食
大概七點去到剩返嘅蛋糕款式已經唔多，只有四款，好在仲有西瓜蛋糕。
蛋糕盒同紙袋都好靚，雖然只係買兩件蛋糕，但都有畀一包保冷劑，天氣熱都唔怕蛋糕會溶。
招牌草莓西瓜蛋糕
$78
34 瀏覽
0 讚好
0 留言
招牌草莓西瓜蛋糕頂層係士多啤梨，表面有乾玫瑰花瓣同開心果碎，賣相好靚。士多啤梨雖然唔算甜，但夾埋蛋糕一齊食都唔錯。下一層同底層係杏仁蛋白餅，帶有少少杏仁香味而且唔會太甜。忌廉有淡淡嘅玫瑰味，味道天然相信係用天然玫瑰花水，而唔係人工香精。中間嘅西瓜爽甜清新，夾埋玫瑰忌廉同杏仁蛋白餅一齊食，口感豐富
朱古力茉莉花茶蛋糕賣相都好靚，表面鋪滿洋梨片，仲有一粒迷你洋梨，好可愛茉莉花茶味嘅蛋糕唔常見，我都係第一次食。茉莉花茶mousse茶味幾突出，同朱古力味好夾，係個幾好嘅配搭。反而朱古力蛋糕同忌廉唔算濃朱古力味，可能係唔想搶咗茉莉花茶嘅味道。
已經幫襯過幾次LIFETASTIC，蛋糕一直水準穩定招牌草莓西瓜蛋糕尤其出色，久唔久諗起都想食
張貼
