好燒式串燒專門店 (大南街)

營業中

休息中

 今日同同事收工想搵間好味餐廳放肆一下，成日經過太子都見到依間串燒店大排長龍，於是我地決定試一試。餐廳氣氛甚好，未夠7pm已經爆滿，有幾檯都係一家大細共聚天倫之樂，餐廳老闆同唔少食客有傾有講，非常有人情味。我地總共叫左幾款肉類/菜類串燒同餐廳主打嘅開邊燒龍蝦。 蒜蓉燒龍蝦 (⭐️⭐️⭐️⭐️⭐️)所有食物即叫即做，龍蝦可選擇蒜蓉或芝士醬。龍蝦燒出來肉質非常嫩滑彈牙，面頭舖滿蒜蓉醬真係好帶出龍蝦的鮮甜味，龍蝦肉量多，又有蝦膏，真係超抵食！龍蝦汁大蝦意粉 (⭐️⭐️⭐️⭐️⭐️)意粉熱辣辣好有鑊氣，龍蝦汁好濃郁，每一條意粉完全沾上醬汁，唔會乾身之餘好彈牙，大蝦開邊燒得惹味，微微燶配合蒜蓉醬更食得出蝦的味道。西班牙黑毛豬肋串/ 雞軟骨 / 鹽燒牛舌心(⭐️⭐️⭐️⭐️⭐️)欣賞餐廳火候控制恰到好處，微微燶讓豬肉嘅油分慢慢滲出真係好吸引，豬肉每顆都好有肉味，大大串食得好過癮！雞軟骨必試！雞軟骨每顆都燒至外脆內軟，唔會話得軟骨，仲有肉食，面頭灑上孜然粉十分惹味！鹽燒牛舌心雖然得4顆，但每顆都大大舊好爽口，牛的肉味好重，充滿油香。牛油栗米 (⭐️⭐️⭐️⭐️⭐️)金黃嘅粟米顆顆飽滿，火燒熱力均勻，每顆都熟透，外面搽上蜜糖牛油，食落去爆汁