拾味正宗刀削麵館 (渣甸街)

營業中

休息中

依日係銅鑼灣渣甸街找到一間食刀削麵嘅拾味正宗刀削麵館，從未食過嘅刀削麵，真的好期待。入到店內，裝修簡潔，地方雖然唔係好大，但有種正宗刀削麵嘅感覺。睇吓餐牌先，刀削麵可以自由配搭，多款餸菜、麵食、上海菜飯、滋味小食及飲品等，選擇都幾多。麻辣牛筋腩牛展刀削麵       $72店舖主打刀削麵，當然點嚟試吓啦！刀削麵即叫即製，見到師傅即場削麵，麵條軟滑，煙韌有彈性，充滿麵粉香味，湯底清清地帶點蔬菜甜味。選擇咗兩餸有牛筋腩及牛展(+$10)，好黏口既牛筋，充滿膠質，牛腩炆至軟淋，有少少咬口，兩款醬汁非常入味，下次一定要再來。麻辣東坡肉豬軟骨刀削麵         $72另一碗刀削麵配麻辣東坡肉及豬軟骨(+10)，湯底清甜，刀削麵煙韌有彈性，揀選少辣既東坡肉，肉質入口即化，帶少少麻辣，猪軟骨口感軟綿，配麵好夾，越食越滋味。薑母茶      (+$8)熱熱既薑母茶，帶些辛辣，薑味唔會過濃，與甜度都啱啱好。Zero     (+$8)食麻辣配凍飲最夾，冰冰凍凍，口感好爽。