影片
更多
2010-04-14
81 瀏覽
同朋友行到灣仔，朋友話食過新森林焗之專門店覺得幾抵食， 之前又睇過 OpenRice 食評，都好似好多款式，幾好，最後夜晚嚟咗呢間：一入到去可能仲早，無咩人，格局有啲日式，好企埋的感覺. 侍應都好好禮貌，安排咗我同朋友坐卡位， 除咗個卡位有啲窄同細之外，其他都幾好. MEUN 有好多嘢食揀，我哋兩個人叫咗 99 蚊的二人套餐： 餐湯：紅湯白湯，淡淡哋，無咩味... 普通.蔬菜：青咖喱炒雜菜，青咖喱淡淡哋，雜菜撈埋一碟，但係都有西蘭花，菜心 / 芥蘭，樣樣一啲，都OK，如果叫泰式炒豬頸肉可能會好啲.薯茸：馬德里羊肉焗薯茸，侍應一送到嚟，就好細心叫我哋："小心熱"，見到個碟仲出煙，啱啱焗起，啲薯茸好綿好軟冧冧，啲羊肉又唔好太 "SO"！好好食！我仲食咗大半碟，搞到朋友無得點食！焗飯：牛仔骨焗飯，碟焗飯又係熱 LA LA，仲有好多牛仔骨！好抵！ 啲飯又唔好太乾，個汁啱啱好，有黑淑香又唔會太辣！好好味！煙鴨胸肉薄餅捲：初初，我同朋友都以為係PIZZA，不過一上枱，見到有個中式蒸籠，原來碟菜好似北京填鴨咁，但換咗做煙鴨煙肉！鴨煙肉好冧，唔好太 "UN"，薄餅好軟，好有創意，好好食！甜品：頹..
一入到去可能仲早，無咩人，格局有啲日式，好企埋的感覺. 侍應都好好禮貌，安排咗我同朋友坐卡位， 除咗個卡位有啲窄同細之外，其他都幾好.
MEUN 有好多嘢食揀，我哋兩個人叫咗 99 蚊的二人套餐：
餐湯：紅湯白湯，淡淡哋，無咩味... 普通.
蔬菜：青咖喱炒雜菜，青咖喱淡淡哋，雜菜撈埋一碟，但係都有西蘭花，菜心 / 芥蘭，樣樣一啲，都OK，如果叫泰式炒豬頸肉可能會好啲.
薯茸：馬德里羊肉焗薯茸，侍應一送到嚟，就好細心叫我哋："小心熱"，見到個碟仲出煙，啱啱焗起，啲薯茸好綿好軟冧冧，啲羊肉又唔好太 "SO"！好好食！我仲食咗大半碟，搞到朋友無得點食！
焗飯：牛仔骨焗飯，碟焗飯又係熱 LA LA，仲有好多牛仔骨！好抵！ 啲飯又唔好太乾，個汁啱啱好，有黑淑香又唔會太辣！好好味！
煙鴨胸肉薄餅捲：初初，我同朋友都以為係PIZZA，不過一上枱，見到有個中式蒸籠，原來碟菜好似北京填鴨咁，但換咗做煙鴨煙肉！鴨煙肉好冧，唔好太 "UN"，薄餅好軟，好有創意，好好食！
甜品：頹... 無意見.
食咗咁多嘢，加埋都係 $111，好滿足，好飽！又可以一餐試咁多款食物！可能係閒日，坐滿哂都好靜，唔會嘈！傾計食飯幾好！啲侍應都好細心，好有禮！GOOD！今餐係朋友請食飯，下次要請返朋友食啲又抵又飽又滿足的嘢先得！
QUIT GOOD！行開呢頭會再幫襯！
張貼
