巧得鍋

朋友喺觀塘返工，所以為左就佢特登揀喺觀塘食。今次揀左呢間係工廈入面嘅餐廳打邊爐。 其實雖然位處工廈，但尚算方便易搵。 咁我地兩個人食，所以就叫左個兩位起嘅巧得set，包左前菜、雞煲、牛肉拼盤/刺身拼盤、蔬菜拼盤飲品同埋甜品，所以都幾抵一開始就有麻辣雲耳同埋涼拌蓮藕， 雲耳好爽口配埋秘製醬汁真係好醒胃然後就有雞煲（半隻），店員好細心提我地要不停攪，如果唔係會癡底🤣雞煲最緊要係個醬汁，呢個雞煲個醬好惹味，唔錯唔錯食完雞煲梗係開始打邊爐啦，食咁多肉要食番啲菜balance番嘅呢個蔬菜拼盤都好大份，有齊菇、菜、南瓜、蘿蔔等，食完肉梗係要食番啲菜清清腸胃啦呢個牛肉拼盤有齊唔同部位同款式嘅牛肉，連牛舌都有， 有牛頸脊、牛肩狎、牛柳粒等，啱曬咁多位牛魔王呢個巧得大拼盤又係十分足料，有超大隻嘅廣島蠔、帶子等海鮮、 加堆韭菜餃豆腐凌魚球等，食埋真係夠曬飽。 打邊爐唔少得我至愛嘅響鈴，響鈴又係新鮮炸起，好脆口我地仲嗌左個甜蝦同八爪魚刺身添，兩樣都新鮮，好少打邊爐嘅地方有埋剌身食除左包埋飲品之外，仲有埋甜品， 呢個香芋球新鮮炸起真係好好食！想再encore添巧得鍋真係巧食又抵食，下次經過觀塘再帶friend