滾得棧 (已結業)

上網見到呢度推介「八寶袋雞煲」，好養生滋補咁😍今晚終於黎食了!開心🥳幸好一早就訂座了，估唔到平日晚飯時間都高朋滿座，都滿座了，全部都係人🙈🌟松茸八寶雞湯底 $368🌟呢個滋補養生的「八寶袋雞湯煲」， 真係不得了，佢係選取營養價值豐富的腐竹包著嫩雞與其他食材，包括竹笙、松茸、松草花等滋補食材。(淨係聽落都好滋補😋)食用時把用韮菜綁口的「寶袋」放到鍋裡，注入上湯滾開後，腐竹就在眼前逐漸溶化，溶開之後，我地就專搵腐竹食，大大塊，好滿足🤪而店長就建議我地係煮熟後先嚐雞，再飲湯，然後再放其他邊爐食材🤪🌟墨膠釀油條 $88🌟湯煲未黎之前，我同朋友點左呢個小食填下個胃先；幾有創意既一個小食，平時早餐食既油炸鬼上面放左墨魚膠，口感好彈牙，唔會淨係得油炸鬼咁單調😉🌟招牌手切牛頸背 (例) $238🌟打邊爐點可以少得了牛，油脂分佈細密平均，牛肉切得好薄身，咬落有嚼口，切得薄身關係，放落湯煲滾兩下好快就食得🤤🌟脆骨腩 $98🌟肉質好爽脆，且好新鮮，耐煮肉不易爛，不過建議唔好滾太耐🤭肉質會變得好實同「鞋口」，記得滾果陣要留意住，唔係就浪費左咁靚既脆骨腩了🤗🌟黑牛栢葉 $63🌟難得有黑牛栢葉，點都要叫一碟黎試下