影片
更多
2018-07-27
44 瀏覽
今日來到紅磡去開倉店掃平貨，沿途經過一間車仔麵店，就先入去醫肚再掃貨啦。呢間舖叫來多碗，門口貼有雜誌報道，餐牌一啲都唔貴，只要三十幾蚊已有四個餸，呢度order步驟唔係坐低先叫嘢食，而係先叫嘢食計左數再坐低，非常有效率，啱哂今日生活繁忙嘅香港人。環境方面，驟眼望落起碼有十幾張枱，有卡位，也有可以靈活移動嘅枱櫈，牆上貼滿手寫嘅必食推介，頭頂有比較舊式嘅吊掛風扇，好有傳統風味。店最入面有兩格洗手間，整體感覺舒適乾淨。我選左油麵、魷魚、枝竹、豬腸和牛肚，店員會問下你要唔要蔥，要唔要辣汁，我自己本身好鍾意蔥既香味，當然要啦，但就唔食得辣無要到辣汁。車仔餸色澤油潤好吸引，全部都炆得好淋夠入味，份量十足好飽肚。啲魷魚好爽口，枝竹好入味，豬腸洗得好乾淨好林，牛肚估唔到有咁香！檸檬茶夠凍好多冰，大熱天時行到熱啱哂，夠爽!
呢間舖叫來多碗，門口貼有雜誌報道，餐牌一啲都唔貴，只要三十幾蚊已有四個餸，呢度order步驟唔係坐低先叫嘢食，而係先叫嘢食計左數再坐低，非常有效率，啱哂今日生活繁忙嘅香港人。
環境方面，驟眼望落起碼有十幾張枱，有卡位，也有可以靈活移動嘅枱櫈，牆上貼滿手寫嘅必食推介，頭頂有比較舊式嘅吊掛風扇，好有傳統風味。店最入面有兩格洗手間，整體感覺舒適乾淨。
我選左油麵、魷魚、枝竹、豬腸和牛肚，店員會問下你要唔要蔥，要唔要辣汁，我自己本身好鍾意蔥既香味，當然要啦，但就唔食得辣無要到辣汁。
車仔餸色澤油潤好吸引，全部都炆得好淋夠入味，份量十足好飽肚。啲魷魚好爽口，枝竹好入味，豬腸洗得好乾淨好林，牛肚估唔到有咁香！
檸檬茶夠凍好多冰，大熱天時行到熱啱哂，夠爽!
張貼
