栢檔極品海南雞飯 (已結業)

荃灣除左係一個民生區，想買既有相宜之外，仲包羅萬有！當然係其中一個我中學既美食啦😊諗住好好食既海南雞飯同喇沙都係超正！話說都有2年左右冇食過海南雞！今日行街經過荃新天地就去搵下有冇店舖食到海南雞同喇沙先😀行左陣見到有間裝修好靚，主要用黃色、綠色、紅色為主調的裝修格調！仲有我好鐘意既花草植物牆！完全唔似香港既格調，好relax!再加上次我都係同柏檔食野，見到佢個名又係叫栢檔！我地都笑左一下！入到去位置好舒服可以打下卡影下相！老闆仲好好人，比左碗好大既肉骨茶我地，入到料子十足，仲有龍眼肉非常入味！再加上肉骨分離，食用方便！仲有豆卜浸湯入哂味！都唔錯！之後叫我想食既主角啦！海南雞加喇沙，完全滿足左我個日既食慾！加上柏檔叫左個豬頸肉飯👍真心讚豬頸肉食到唔想食！好滑唔肥，仲有三個醬汁可以點！有甜酸醬，海南雞醬油！仲有蔥油！滿足想每次食同一樣野都有唔同味道既人😊仲有一個小食麻辣豬耳！好香唔算好辛辣！唔食得辛辣都唔會好辣！最後飲品叫左個熱既銀菊露滋潤下，老闆最後仲問要唔要甜品😊但真心講己經好飽😁想食飽滿足下次可以黎呢間！