吉列牛忌廉烏冬專門店 (彌敦道) (已結業)

吉列牛忌廉烏冬專門店 (彌敦道) (旺角)旺角彌敦道726號17樓之前見過YouTuber 介紹呢間餐廳，我想試好耐！今日終於揾到同我一樣係牛控既朋友一齊去食晚餐！餐廳位置方便，喺旺角地鐵站B出口出咗行數分鐘就會到達餐廳所在的大廈，再搭𨋢上去就見到呢間餐廳嫁啦！好彩我地果日有訂位，平日夜晚都有唔少人呀☺️餐廳備設卡位，卡位的嘅梳化好大張，啱晒朋友聚會啊！我覺得坐到四五個人㗎，傾偈都超級方便！我哋叫咗一客牛𥚃脊肉黑糯米炒飯$98- 好多牛呀！仲有蝦！黑糯米炒飯好特別好好味😋我覺得可以再食呀！呢度有三款套餐，我哋嗌咗其中一款套餐，係有一客吉列牛定食和一個忌廉烏冬，你可以揀雞肉或牛肉，只需要$256！吉列牛定食- 呢個係餐廳嘅招牌貨，食得又睇得，打卡一流！一定要食呀！咖喱忌廉烏冬牛肉-可以選雞肉或牛肉，我哋係牛肉控，揀咗食牛好正呀真係好creamy 好滑好好味套餐仲送兩罐可樂我地叫咗可樂一罐同韓國蜂蜜紅棗茶 +$8