火鍋撚 (雲明行) (已結業)

今日放假同幾個朋友去左中環周圍行下影下相，食飯時間見到有間火鍋店叫火鍋撚，個名幾特別就入左去食，門面都幾特別座位又寬敞，坐低後就點左個鴛鴦火鍋湯底，一邊係祖傳秘製麻辣湯底，另一邊係一品酸菜白肉鍋，呢啲湯底係台灣先食到，居然香港而家都食到！真係要試試啦！麻辣湯底內裏有鴨血同蜂巢豆腐，索曬湯底嘅味道超正，而酸菜白肉湯底內裏嘅酸菜白肉配料夠美味，好夠酸！食哂啲湯底配料後又可以免費任加，好似台灣咁任加鴨血豆腐同酸菜白肉，勁抵！鴨血滑嘟嘟！酸菜多到可以當菜食！淨係食湯料都可以半飽！再點左個火鍋撚御用手切肥牛，肉質鮮嫩，牛肉配麻辣火鍋簡直係絕配！其後再食個即炸三秒響鈴卷，加甜酸醬食落鬆脆，再嚟一個放落湯底加上湯汁直係一試難忘！仲有肥美鮮鵝腸，爽脆黑栢葉，火鍋撚香滷拼盤等，全部都超正，去唔到台灣食台式火鍋但黎呢度食都唔錯！