炙・宴 (形點 I)

營業中

休息中

去探朋友，當然睇吓大商場入邊有咩食，呢間午餐有唔同嘅選擇，價錢又唔貴，所以決定入去試吓！有室內同室外嘅座位，呢啲天氣坐都好舒適！地方都好寬敞！跟餐有開胃嘅沙律，蔬菜好新鮮，仲有麵豉湯。鰻魚飯超級香，鰻魚份量亦都好多，好大塊！鰻魚都好肥美！有香香嘅燒焦味！鰻魚汁滿佈飯同魚肉，飯每粒都好飽滿，煙韌彈牙好好食！另外仲叫咗一份和牛Sukiyaki，d牛超級好食！浸兩浸已經食得，牛味好香！油花仲好靚！我哋要咗一份烏冬，加落去食好正！