影片
更多
2020-01-24
335 瀏覽
大概半個月之前book咗呢度，過年過節想食好啲。睇人哋食評講到咁好，當初都有啲擔心會唔會只係普通西餐，cafe質素，言過其實，食完之後就發覺，真係好值得我好好咁打返篇食評落嚟，因為餐廳上下都好用心為我哋準備同介紹每一道食物如果食完就算，唔好好記錄低，實在太嘥！廚師精選小食係random嘅，個賣相已經滿分！有少少酸香醋味, 都幾有驚喜, 唔食慣好野嘅我未食個陣聞落怪怪地蘑菇x蕃茄x意大利黑松露，仲有靚靚食用花瓣Beetroot cured salmon gravlax用紅菜頭餣過嘅三文魚, 所以睇落紅紅地, 當然仲有用糖、鹽、香草等。外表好似玫瑰花瓣咁, 入面有啲芥末籽，好似花蕊, 成個設計有啲日式feel底部有啲沙律醬, 又唔會太飽，做前菜一流季節性嘅青口湯，淨係冬季先有，因為啲青口呢啲時候靚啲，佢哋係用法國青口，一粒一粒打磨而成，好有心呀！好有海鮮味, 雖然都偏咸咸地，但就食到個種新鮮海水味嘅感覺, 聽介紹話個湯唔只青口，仲有用新鮮嘅多種蔬菜打碎，所有醬汁都係特別自家製, 唔怪得唔係平時食開嘅味道啦海鮮捲粉底部係紫薯藜麥嘅汁，上面嘅捲粉睇落細細件，就用蝦同墨魚整嘅, 好精緻甜紫薯+爽
廚師精選小食係random嘅，個賣相已經滿分！
有少少酸香醋味, 都幾有驚喜, 唔食慣好野嘅我未食個陣聞落怪怪地
蘑菇x蕃茄x意大利黑松露，仲有靚靚食用花瓣
Beetroot cured salmon gravlax
用紅菜頭餣過嘅三文魚, 所以睇落紅紅地, 當然仲有用糖、鹽、香草等。外表好似玫瑰花瓣咁, 入面有啲芥末籽，好似花蕊, 成個設計有啲日式feel底部有啲沙律醬, 又唔會太飽，做前菜一流
季節性嘅青口湯，淨係冬季先有，因為啲青口呢啲時候靚啲，佢哋係用法國青口，一粒一粒打磨而成，好有心呀！好有海鮮味, 雖然都偏咸咸地，但就食到個種新鮮海水味嘅感覺, 聽介紹話個湯唔只青口，仲有用新鮮嘅多種蔬菜打碎，所有醬汁都係特別自家製, 唔怪得唔係平時食開嘅味道啦
海鮮捲粉
底部係紫薯藜麥嘅汁，上面嘅捲粉睇落細細件，就用蝦同墨魚整嘅, 好精緻
甜紫薯+爽口墨魚肉, 估唔到都咁夾, 藜麥夠晒健康！跟著呢個Main係烤焗比目魚
新鮮蛋黃醬用火槍烤焗個面, 底部係用蕃茄打蓉, 原隻新鮮蕃茄，仲會食到蕃茄皮, 甜甜地
好多謝呢間餐廳嘅㕑師，俾我哋食到食物原本嘅鮮味，又為我哋耐心present食物！等我哋都食到個份心意咁高質嘅私房菜，真係好想多啲人知、多啲人欣賞到大㕑嘅talent！
P.S. 寫過咁多篇食評，第一次俾咁多5分哈哈
張貼
