影片
更多
2021-12-20
202 瀏覽
📍東歐餐廳 (中環)中環雲咸街63號巴力大廈1樓📍今日同老婆行中環，諗緊食咩午餐，就上openrice睇下有咩食，見到有間東歐餐館，家庭式經營由烏克蘭既大廚烹煮，絕對正宗，又未有得去東歐旅行，又吾想日日中，西，日餐，加上我一向喜歡小店經營就試下啦，一到餐廳，就見到老闆負責接待，老闆以及服務生都好親切，店內既裝修都非常有特色，用上小巧既木怡木凳，牆上掛滿色彩鮮明既風景畫，好似真係置生係東歐既小餐館一樣，我和老婆都好喜歡📍正宗烏克蘭羅宋湯 $68老闆介紹這才是真真正正的羅宋湯！我們地平時去餐廳喝的所謂羅宋湯只是雜菜湯，而這碗由紅菜頭熬製的羅宋湯，湯裡有著大量的紅椰菜及面頭的忌廉，雖然味道不濃，但有紅菜頭的清甜，個人感覺同日常香港飲到的羅宋湯係有分別，不過分別就大到到要用$68去試，如果好有興趣嘗試兩者的分別亦未嘗不可📍烏兹別克牛肉湯 $68湯較淡味，有紅黃椒，薯仔，蕃茄，冇乜特別，但要特別講塊牛好稔，如果喜歡清湯腩口味的湯，都可以試下飲📍 馳名基輔炸雞排 $188一切開個炸脆的外殼就爆多汁，雞扒食落非常嫩滑，本人十分喜歡就問老闆製作方法，老闆就透露首先係將雞胸肉打碎，令到佢炸個外表的時候可
中環雲咸街63號巴力大廈1樓
📍今日同老婆行中環，諗緊食咩午餐，就上openrice睇下有咩食，見到有間東歐餐館，家庭式經營由烏克蘭既大廚烹煮，絕對正宗，又未有得去東歐旅行，又吾想日日中，西，日餐，加上我一向喜歡小店經營就試下啦，一到餐廳，就見到老闆負責接待，老闆以及服務生都好親切，店內既裝修都非常有特色，用上小巧既木怡木凳，牆上掛滿色彩鮮明既風景畫，好似真係置生係東歐既小餐館一樣，我和老婆都好喜歡
📍正宗烏克蘭羅宋湯 $68
老闆介紹這才是真真正正的羅宋湯！我們地平時去餐廳喝的所謂羅宋湯只是雜菜湯，而這碗由紅菜頭熬製的羅宋湯，湯裡有著大量的紅椰菜及面頭的忌廉，雖然味道不濃，但有紅菜頭的清甜，個人感覺同日常香港飲到的羅宋湯係有分別，不過分別就大到到要用$68去試，如果好有興趣嘗試兩者的分別亦未嘗不可
📍烏兹別克牛肉湯 $68
湯較淡味，有紅黃椒，薯仔，蕃茄，冇乜特別，但要特別講塊牛好稔，如果喜歡清湯腩口味的湯，都可以試下飲
📍 馳名基輔炸雞排 $188
一切開個炸脆的外殼就爆多汁，雞扒食落非常嫩滑，本人十分喜歡就問老闆製作方法，老闆就透露首先係將雞胸肉打碎，令到佢炸個外表的時候可以變得脆D，之後加鹽，牛油，放入麵粉之後再沾上雞蛋漿，呢個程序要做兩次，因為淨係做一次，牛油可能會漏出黎，之後就可以炸，5至7分鐘之後再焗一下，令到雞肉熟D。一切開外殼個時就爆汁，而且見到入面既雞肉出晒煙熱辣辣，呢個就係基輔雞排加牛油既原因。雞扒食落非常嫩滑，全因有將雞胸肉打碎，唔會太生太熟，恰到好處，因為炸完再焗，牛油水可以完美咁收係入面，因為有足夠麵粉同蛋漿，食落牛油味係爆出黎。外層既炸衣唔厚但非常脆，食落唔油膩。隨左雞扒仲配左蘑菇汁同自家製既薯片，薯片都係即叫即炸，所以食落好脆，有新鮮既薯味。
📍 招牌芝士焗牛脷盅$ 98
呢個超好食我超中意。我本身都好中意食牛脷，牛脷係上菜嘅時候，盅上面蓋咗一塊酥皮，侍應會好好服務咁幫手剪開，酥皮可以用嚟配搭牛脷一齊，又可以配芝士汁咁食，牛脷好淋，切到粒粒，本身厚身所以好有口感，但仍然做到入ロー咬就即溶感覺，而且好重牛味，加上酥皮硬脆好似曲奇d芝士痴左係酥皮內側食落鹹香，個醬世界級好食，好香奶味同牛油味但又唔漏，必食推介
烏克蘭風味蜂蜜蛋糕 $88
最後結尾見到好多人叫個件蛋糕就好有興趣有咩特別，老闆見我望望下，就推介叫我一定要試下，外表睇落完全唔似我哋食開嘅蛋糕，食落幾甜，係蜜糖嘅甜味，因為蛋糕同蛋糕中間充滿咗蜂蜜忌廉，蛋糕咬落濕潤軟熟，比起一般蜂蜜蛋糕仲要軟熟，睇落係有四層既海棉蛋糕，蛋糕同蛋糕中間會食到有核桃果仁粒，同埋會食到糖霜，令到有口感唔止得軟熟而且有脆口，以呢個蛋糕作為結束非常滿足。
個人覺得係中環地段食間有裝修，有服務，有特式，食物質素中上的餐廳，價錢都係百幾蚊一個菜式，性價比係絕對高及超值，所以個人都十分推介，希望大家會喜歡
7 瀏覽
0 讚好
0 留言
張貼
