鳥海山鐵板燒 (已搬遷) 新店位置

今日黎到長沙灣搵好西，發現呢間日本嘢好值得推介~頭盤係每人一份沙律，新鮮嘅蔬菜蕃茄仔，加上酸酸嘅汁，係典型嘅日式料理嘅頭盤，相當開胃！活鮑魚一上枱，一陣陣燒鮑魚味已經噗入鼻~海鮮最忌嘅係過熟，但呢碟鮑魚整得啱啱好，咬落’嚥嚥銀銀’，好有口感！燒嘅時候加入醬汁，帶起咗鮑魚嘅鮮味~是日精選刺身有深海池魚同埋油甘魚腩等，碟上刺身都非常出色，各有特色。店員仲好細心咁介紹碟上各魚生及其食法，次序等，原來上碟嘅擺法都花咗心思，好為顧客著想~牛肉薄燒呢碟牛肉片入面夾住新鮮嘅蔥同蒜粒，一口咬落去，牛肉味同蔥味蒜味一齊出晒黎，真係好夾鵝肝多士煎鵝肝啱啱好煎到兩邊少少焦但同時帶鵝肝嘅香味，鵝肚處理難免會有少少油，放係多士上面，一入口，就融化，感覺相當滿足鐵板燒龍蝦 隻龍蝦好大隻，為咗方便 龍蝦肉已經全部起好，食落仲會見到有少少蝦膏，肉質彈牙，廚師手勢真係相當唔錯~炒飯一碗炒飯炒得好唔易，呢碗好不單止可以炒到粒粒分明，仲有均勻嘅醬油。材料有櫻花蝦，香蔥蛋等等，而且材料份量絕不孤寒，每一啖飯醒合材料自己嘅味道，真係令人讚不絕口！燒野菜廚房落咗牛油去炒呢碟菜，所以一入口就有濃郁嘅牛油味。選材方面，都算新鮮！最