吉列牛忌廉烏冬專門店 (彌敦道) (已結業)

今次嚟到旺角食晚飯有間大廈叫726，佢哋最出名嘅係吉列牛定食同埋咖喱忌廉牛肉烏冬。吉列牛方面有麵豉湯、前菜、飯，仲有幾多塊既吉列牛俾我哋石燒。其實佢地既牛本身都熟，不過煎一煎之後會更加香口同埋熱。用料方面一啲都唔馬虎，我覺得吉列牛點埋佢嘅豉油汁係好夾好好食。忌廉咖喱牛肉烏冬又係另一大特色，佢嘅忌廉香得黎又會有咖喱嘅淡淡香，唔會兩邊過分左另一邊嘅味道，我覺得真係好夾撈牛肉烏冬。最後牛油蜜糖雞翼就正正常常，如果可以再入味啲就更好食。兩杯凍飲就不過不失。重點推介吉列牛定食同埋忌廉咖喱牛肉烏冬，絕對係呢間餐廳嘅主打。