東街咖啡

營業中

休息中

背住中西區最煩囂嘅地段，沿住斜路而上，會搵到一間富有藝術風格嘅Cafe🎑佢除咗係Cafe之外，仲係一間Gallery✨️老闆會同唔同藝術家或者公司合作，比佢地嘅藝術品放喺鋪頭，所以有機會每次去，店鋪嘅裝飾都唔同架🌸大家除咗去歎下咖啡，都可以留意下啲藝術品，話唔定人生又悟出新體會。除咗環境舒服之外，仲幾有小店人情味🌸嗰日平日唔係好多人，老闆好詳細咁介紹佢地嘅菜式，同老闆吹水吹得幾開心，仲好feel到佢地對自己嘅食物飲品嘅熱誠💟Green Breakfast調味控制得好好，最出色係炒蛋同串茄☺️炒蛋充滿松露香氣，串茄仲連住莖，所以烤過都仲係脹卜卜充滿水份。Affogato雲尼拿雪糕有粒粒雲尼拿籽，仲要雙球咁多，非常香口，融入咖啡之後好似一杯濃郁幼滑嘅凍Latte, 十分推介。Orange Chocolate使用法國Valrhona朱古力，唔會太甜太苦，同橙嘅味道好有Harmony.Gold Lemonade餐廳好多rainbow系列嘅飲品，同幾個朋友一齊嚟就可拼下唔同味。呢杯酸味同檸檬味較重，熱情果味在後，係比較開胃之選。