度 (已結業)

度銅鑼灣有一間「度」嘅咖啡店，老闆係一個好有心嘅人，入到去會感受到藝術氣息，兩旁會見到由本地畫家畫嘅畫，同埋老闆有時會同人合作舉辦workshop或會有音樂表演，其實每個人都有自己獨特嘅潛能，往往就係欠缺地方或機會比佢哋發揮，「度」就係一個好嘅場地比佢哋發揮啦！點解咖啡店叫「度」？溫度影響咖啡風味，老闆期望每一位入嚟嘅朋友都感受到咖啡店嘅溫暖，無論門口嘅斜路，抑或同「康姨餅房」合作寄賣殘疾人士整嘅曲奇餅，我都深深感受到呢間咖啡店係有暖暖嘅溫度，將共融同愛嘅理念喺咖啡店實踐，老闆請加油！1.牛油果帶子扁意粉$148（9/10）呢碟扁意粉有3舊好鮮嘅帶子，仲有勁多牛油果肉，牛油果係健康食材，可以減少血液中嘅壞膽固醇！2.香蒜鴨胸扁意粉$128（9/10）呢碟勁重香蒜味嘅扁意粉，入面有4片鴨胸，鴨胸唔會肥淋淋，肉質唔韌好食！3.菠椰菠蘿蜜$68（10/10）菠蘿蜜好清新，唔甜！4.春日入花梢$88（10/10）呢杯咖啡玫瑰花瓣、咖啡同白酒製成，除咗好飲，成杯咖啡好似畫咁，好啱打卡，影出嚟好靚！    2人總共價錢$432個人口味總評分：9.5/10@beyondcoffeebar地址：銅鑼灣