影片
更多
2025-07-05
175 瀏覽
依間餐廳喺我個list勁耐，開咗十週年我先終於嚟到😆然後我係咁同靚仔店員講廣東話，原來係韓仔嚟🤩 一個兩個三個...唔記得有幾多個啦，總之大部分都係韓星咁嘅😍 叫咗勁多嘢食...烤牛肉紫菜飯卷 $98都幾足料，有牛肉青瓜甘筍玉子蘿蔔乾，紫菜卷上面仲灑咗好多黑白芝麻，賣相同味道都唔錯。半份香蒜蜜糖炸雞 $138絕對係罪惡感同美味嘅結合！ 所以只係嗌咗半份😂 因為佢除咗炸雞，仲有脆薯角，薯條，薯格，全部都一樣顏色🤣 連平時唔食雞皮嘅我都忍唔住食咗好多，雞肉都算嫩滑，雞皮好脆，蜜糖味勁濃，食完感覺勁甜蜜🤭串串魚糕湯 $228用gas爐上，勁大煲，雖然係韓國餐廳但係唔知點解感覺有啲似食緊關東煮咁 😂湯頭都幾鮮甜，除咗魚糕，仲有魚條，獅子狗，青口，魷魚，鵪鶉蛋，年糕，冬菇，皇帝菜，韓國粉絲，重點係大煲到應該四個人都食唔曬😆 藍莓乳酪 ＆ 柚子梳打 @$48食咁多嘢點可以唔嗌嘢飲，呢兩杯簡直係解膩神器，酸酸甜甜好清新。我仲唔執輸參加咗10週年抽獎，有勁多獎品，Airpods，iPad mini，但我目標係要贏雙人首爾商務機票呀🤩🤩我要直接飛過去搵韓仔🥰評分：最高為5分治癒度：👩⚕️👩⚕️👩⚕️👩
依間餐廳喺我個list勁耐，開咗十週年我先終於嚟到😆然後我係咁同靚仔店員講廣東話，原來係韓仔嚟🤩 一個兩個三個...唔記得有幾多個啦，總之大部分都係韓星咁嘅😍 叫咗勁多嘢食...
烤牛肉紫菜飯卷 $98
都幾足料，有牛肉青瓜甘筍玉子蘿蔔乾，紫菜卷上面仲灑咗好多黑白芝麻，賣相同味道都唔錯。
半份香蒜蜜糖炸雞 $138
絕對係罪惡感同美味嘅結合！ 所以只係嗌咗半份😂 因為佢除咗炸雞，仲有脆薯角，薯條，薯格，全部都一樣顏色🤣 連平時唔食雞皮嘅我都忍唔住食咗好多，雞肉都算嫩滑，雞皮好脆，蜜糖味勁濃，食完感覺勁甜蜜🤭
串串魚糕湯 $228
用gas爐上，勁大煲，雖然係韓國餐廳但係唔知點解感覺有啲似食緊關東煮咁 😂湯頭都幾鮮甜，除咗魚糕，仲有魚條，獅子狗，青口，魷魚，鵪鶉蛋，年糕，冬菇，皇帝菜，韓國粉絲，重點係大煲到應該四個人都食唔曬😆
藍莓乳酪 ＆ 柚子梳打 @$48
食咁多嘢點可以唔嗌嘢飲，呢兩杯簡直係解膩神器，酸酸甜甜好清新。
我仲唔執輸參加咗10週年抽獎，有勁多獎品，Airpods，iPad mini，但我目標係要贏雙人首爾商務機票呀🤩🤩我要直接飛過去搵韓仔🥰
評分：最高為5分
治癒度：👩⚕️👩⚕️👩⚕️👩⚕️
抵食度：💉💉💉💉
翻兜指數：🩺🩺🩺🩺
@outdark.hk
Outdark
尖沙咀厚福街8號H8 17樓
📍尖沙咀/尖東港鐵站B2出口4分鐘路程
#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #韓國菜 #TsimShaTsui #TST #人氣 #高質 #尖沙咀 #尖沙咀美食 #香港美食 #Outdark
張貼
