朝

營業中

休息中

想同朋友飲吓嘢傾吓偈，去居酒屋就啱晒啦。呢間居酒屋以星月為主題，店內播放經典廣東歌，好有氣氛。 前菜燒味醂魚乾表面香甜，兩邊燶脆，送酒一流；鮟鱇魚肝口感細滑唔膩；枝豆用蒜蓉同黑椒炒過，有驚喜，食到停唔到口。 海鮮清酒煮蜆蜆肉肥美鮮味，湯底都好鮮甜；燒白鰻串肉質彈牙，鰻魚味勁香，唔洗點醬汁已經好好食。 燒鳥遇見雞肉棒：煎香嘅免治雞肉棒蘸蛋黃醬油，口感順滑；燒雞皮水份同油脂都迫晒出嚟，燒到勁脆，雞皮香味不得了。 邪惡玉子燒厚厚嘅玉子燒蛋味香濃，仲有拉芝效果。 高知柚子果酒/威士忌梅酒甜甜酸酸嘅水果酒，最鍾意佢有柚子獨特嘅澀味；威士忌梅酒重酸梅味，好易入口。