澄空

營業中

休息中

澄空係天后人氣餐廳坐忘嘅姊妹店，同樣地裝修方面都係偏日式，亦有中、日、英三種語言既手寫餐牌，別具風味。不同既係，澄空主打意粉及漢堡扒。🍝三種野菌煙肉牛油醬油意粉 $78跟餐 野菜湯、麥茶椰菜湯勁多椰菜，個湯亦都好清。賣相好靚，好有食慾，好打卡able。講真配料多過意粉，每一啖都食到野菌🤤野菌有三種：鴻禧菇、日本蘑菇、金針菇。三種菇加埋煙肉，再加一啖意粉，口感豐富，意粉亦都掛晒牛油醬油汁，好正😍必試！🍚手打燒汁漢堡扒丼 $128跟餐 沙律、麥茶漢堡扒極厚身，肉質鮮嫩多汁🤤配埋蛋黃，口感更順滑。燒汁甜咸中再帶點辣，配埋漢堡扒同飯食剛剛好。不過當日既白飯比較濕，可能咁啱廚師失手落多咗水🫣🥗黑醋沙律正常發揮，不過建議叫丼飯嘅朋友可以跟餐湯，因為丼飯已經配咗沙律菜。