澄空

營業中

休息中

木星街行到尾，開左間小餐廳【澄空】，是附近另一間【坐忘】小餐廳的姊妹店，店主好似是日本人，對中國道家學說有所愛好，把店名改得超然忘我，明朗清理。兩間都是日式西餐，但內容各有不同，【坐忘】試過幾次，感覺不好，不敢恭維。☹️今晚經過【澄空】，見裝修風格完全不一樣，正是如店名般澄碧明朗，全木的裝飾，感覺舒服自然，座位較寬闊，不似【坐忘】逼夾。行過不錯過，就試一次啦。😀這裡的餐牌選擇不多，這樣也有好處，廚師可專心專注，👍也可保障食材新鮮，更可避免有些人選擇困難症。🫣我們每人點了一個套餐，意式牛🐮肉丸吉列番茄意粉，烤雞🐔滑蛋番茄親子丼，套餐可配沙律或蔬菜湯，還有麥茶，台面有餐具餐巾自取。主菜很快送到，我的意粉好大碟，兩個大大的牛肉丸炸得香脆，表面灑了芝士粉，切開肉丸裡面有很多洋蔥，食起來鬆軟香甜，不膻不柴，還有茄子節瓜，配搭健康，食得開心😄又放心，高水平製作。👍意粉煮得依韌有彈性，撈茄汁芝士，又香又熱，份量足夠。沙律和蔬菜湯清爽新鮮，是最健康的食物。另一個主食都不錯，雞肉新鮮無雪味，滑蛋鋪在飯面，加些小番茄，又是一個健康的選擇，最重要是味道較清淡無味精，份量充足，完全達到我們出街食飯的選擇要求，這

行年宵前黎到澄空食晚餐，餐廳雖然有一排排枱，但可能因為樓底高同埋燈光充足既關係，感覺舒服唔太局促。簡單既餐單，大部分選擇都有烤雞。好奇唔知點解無 C 呢個選項，我揀咗三種菇加烤雞忌廉湯意粉，同行隊友揀咗番茄親子丼。88蚊既餐仲配有餐湯或沙律，我倆都揀咗沙律，用上既沙律菜都有好幾款，撈埋自家製醬汁，一啲都唔 hea，超級好味，甚至令我想揀沙律餐！忌廉湯意粉既忌廉湯一啲都唔膩，甚至有輕盈既感覺；意粉係比較硬身有咬口，可惜唔太掛到忌廉湯。三種菇同忌廉湯一如以往地夾，除咗烤雞，仲有翠玉瓜片同望落似日本叉燒既煙肉，呢啲配菜都係好味之選。烤雞作為大部分選項既肉類配菜，記憶中既味道沒有太大驚喜，但烤完既雞仍然 juicy。成餐最驚喜係個焦糖W芝士蛋糕，有四層，餅底有核桃，上面係熟芝士蛋糕，再上面係生芝士蛋糕，最頂係喺你面前燒既焦糖。店員們都好有禮貌，令我感覺舒服，有機會會再返黎試個烤雞沙律同埋 encore 焦糖W芝士蛋糕

—食完走嗰陣經過坐忘新鋪位排晒長龍其實可以行多幾步試下姐妹店澄空嘅洋食料理套餐包括沙律/野菜湯+麥茶🍝意式牛肉丸吉列蕃茄汁意粉(98)吉列牛肉丸粉漿薄脆 咬落濃濃安格斯牛味 肉汁豐沛似係漢堡扒變咗丸子版本🐣烤雞蕃茄滑蛋親子丼(88)滑蛋好似fluid形態 熟與半熟之間🤤雞肉冇雪藏味頗嫩滑同埋貫徹返坐忘多蔬菜嘅理念 有菇有蕃茄🧀炙燒芝士蛋糕(59)Rare cheese/baked cheese/walnut tart📢可以開聲聽老闆娘解釋蛋糕layers上枱時先燒面頭焦糖脆層望住d cream cheese融化很治癒—————————————————澄空天后木星街23號地舖

《澄空》是天后人氣餐廳《坐忘》的姊妹店，吸引不少食客前來嘗鮮。這次中午來訪我點了H (日式漢堡扒飯) 和D (燒雞忌廉意粉)。要讚的是飯和意粉處理恰當，長野縣產白米煮得恰到好處，質感軟硬適中，配上混有胡椒的醬汁很好送飯。意大利粉也煮得剛剛好，有彈性不過熟，忌廉醬汁偏淡但不膩口。然而，漢堡扒口感、配餐的湯和沙律表現稍遜。雜菜湯味道十分淡，沙律只有綠色、紫色椰菜，淋上普通的醋汁。整體來說，《澄空》的表現尚可，但與《坐忘》相比有改善空間。如果追求簡單日式飯和意粉，《澄空》會是附近日系西餐選擇不多的炮台山/天后區不錯的選擇，但個人會更推薦《坐忘》。

Always happy to check out new stuff and this restaurant is apparently a Japanese Italian version of the Camper’s☺️ I’ve never tried a Japanese carbonara, cos it looks nothing like carbonara but I reckon they might be referring to the sauce and I do really like how buttery the sauce is and the oyster is beyond satisfying😋 out of all the goodness, I love the meatballs the most, it was so crispy but yet juicy😋😋😋 I think I can just come back for the meatballs😍

我而家仲喺餐廳入面，就打緊食評，可想而知幾驚訝，亦都冇嘢好食。喺附近住，經過冇人排隊，所以入咗嚟。不過都好彩冇排隊。入到嚟總共叫咗兩個餐，包兩個野菜湯同兩杯茶。椰菜湯的確同其他人影嘅相一樣，賣相都唔錯，但基本上係滾水淥菜，鹽都冇。SHOCKED!叫咗一個D餐,烤雞加湯忌廉湯意粉，如圖。賣相其實係唔錯嘅，但完全冇味，忌廉湯仲好稀。SHOCKED!上菜時間好快，不過一啲都唔出奇，唔知有冇煮。再嚟一個燒汁漢堡扒丼，佢聲稱係安格斯，不過……無嘢好講，你試下喇。汁好咸，好彩有另上，還好喇整體。總結，抱歉，唔會再食。太SHOCKED!

見到平時大排長龍嘅人氣坐忘開咗新餐廳，已經避開人潮平日2:00嚟食都滿座！果然好Hit意式牛肉丸吉列蕃茄汁意粉 ($88)基本上最出名就係呢個肉丸，炸到外皮薄脆，入邊有好多肉汁，仲有啲洋蔥碎添~三種野菌＋廣島蠔+牛油醬油汁意粉 ($88)呢個超好食，啲生蠔好肥美有四大粒!! 微甜嘅牛油醬油汁吸收咗野菌嘅精華，野菌都炒到微焦~烤雞+野菌+忌廉湯意粉 ($98)忌廉湯有啲雞肉嘅香味，同埋有啲煎過厚身嘅煙肉，湯底都幾有層次！午市餐牌仲送野菜湯/沙律，同埋麥茶，呢個價位有成個set幾滿足。

聽聞坐忘開了姊妹店，當然要試一試。一坐下，侍應便送上熱麥茶。我點了蔬菜湯和意式吉列牛肉丸蕃茄汁意粉，蔬菜湯很清淡，有很多菜和淡淡的蔬菜甜味，吉列牛肉丸外脆而內裡多汁鬆軟，意粉的蕃茄汁味道較濃，稍為搶了吉列牛肉丸的味道，但$98的價格有這質素已是不錯。聽旁邊的客人說，甜品芝士蛋糕很不錯，但我吃不下一整件蛋糕，唯有下次再試。

某一日行經餐廳門口，見到寫住係坐忘分支，之前食過好多次坐忘 （主打正宗日式咖喱飯/烏冬），覺得佢咁多年黎都維持列高質小店形象，所以見到佢係坐忘姊妹店 （澄空主打日式西餐），就暗暗決定搵日要試試。由於係午餐時間，我地已經預早左幾分鐘落去排隊，結果都由12:55等到差唔多13:35。可能因為餐廳係日式西餐廳兼要加一，店員見到D人食完飯都無催佢地走，本來係好事，但對於打工仔黎講，呢個等候時間真係可一不可再。意式安格斯牛肉丸蕃茄意粉｜⭐⭐⭐⭐｜$98午市包個野菜湯/沙律菜加杯麥茶，我點左野菜湯，但太稀，飲落無味，剩係憑湯渣去判斷到佢係野菜湯；而麥茶係可以續添，呢個幾好。主菜意式牛肉丸吉列蕃茄意粉個汁好濃郁，食落唔係剩係蕃茄醬咁單一，仲好重肉味，個感覺好特別。吉列牛肉丸炸得好脆，可能因為用左安格斯牛，中間好juicy，加埋芝士粉，好食！但後尾見到隔離檯果碟D汁稀D，可見廚師手勢唔一致。整體感覺：服務幾好，味道屬於中上，但價錢偏貴（坐忘抵食D），如果唔趕時間嘅朋友可以試下。另外提提大家，餐廳剩係收現金或八達通，如果想幫襯嘅朋友，記得帶夠錢～

今日造訪了一家日本料理小店，品嚐了兩份套餐。首先品嚐到的是蕃茄吉列牛丸意粉，意粉煮得恰到好處，入口爽滑，搭配的吉列牛丸外脆內軟，好惹味，蕃茄醬的酸甜味道令人驚艷，開胃十足。接著品嚐到的是燒汁漢堡扒丼，漢堡扒經燒烤後帶有香氣，搭配豐富的燒汁，回味無窮，搭配蓬鬆的白飯，口感絕佳。整體來說，菜式水準極高，新鮮精緻，服務貼心周到，讓人倍感滿足。這裡絕對是一個值得推薦的用餐去處，期待下次再來品嚐其他精彩菜色！