上海榮華川菜館

營業中

休息中

呢間位於觀塘崇仁街嘅香港傳統小店，麻雀雖小五臟俱全， 好有香港傳統特色嘅小店風味，同埋真係有健康家常飯嘅感覺。 嗰日同個朋友一齊過去就叫咗蝦仁炒蛋、豆芽鱔線糊、酥炸雲吞、 粟米羹、同八寶茶。雖然係下午茶時間人流都頗多，上菜時間都好迅速， 5至10分鐘已經上曬所有菜式。 蝦仁炒蛋嘅蝦都好大隻同埋都幾多， 好耐未食過鱔糊， 同埋芽菜都落得好重手，因為我自己好鍾意食菜，而我亦都好欣賞個八寶茶，我連啲食得嘅配料都食曬， 而我朋友就鍾意食啲清淡啲嘅菜式，佢最鍾意個粟米羹，粟米超多， 我哋一齊每一碟餸都清曬碟， 食落真係好似返屋企阿媽煮餸嗰種感覺。如果大家經過觀塘附近有想食下一啲簡單家常便飯小菜，呢度真係一個好好嘅選擇！