御泰坊-泰越菜 (已結業)

年年公司開年飯，都在茶樓舉行，似乎有點悶蛋。於是，今年搞搞新意思食泰菜，到apm 四樓的《御泰坊》食開年飯。散叫似乎有點貴，大家都傾向各自各食一客午市一人套餐，約$68左右，連一客前菜/ 沙律、主食和是日甜品。因午市套餐只有六個選擇了B餐 - 蒜蓉炒芥蘭配豬柳飯。前菜為青木瓜煙三文魚沙律。一絲絲的青木瓜夠爽脆；煙三文魚份量不多，只有三小片，唯食落不像煙三文魚，像是普通三文魚配粒蕃茄仔，十分Juicy！辣味慢慢慘透在口中，要多喝水唷！主食是蒜蓉炒芥蘭配豬柳飯簡單一個炒菜飯，少有芥蘭沒有芥蘭味；且豬柳似是普通肉片。如果只吃這個芥蘭豬柳飯，就似在大排檔點餐般，值$68？是日甜品乃士多啤梨慕絲蛋糕，雙層的士多啤梨味淡淡的慘透出來，但中下層的餅底較碎，不夠堅實帶點失望！所謂「好既一餐，唔好既又一餐」，寄望該店繼續多加進步，否則客人會自己用腳投票，到時就麻煩了。