牛魔一人燒肉

營業中

休息中

哩間燒肉鋪日日行過都好full，今日早少少收工，睇到有位，咁一定要試試。晚市提供數款一人套餐，分量同種類都好豐富，真係好難揀。套餐包埋沙律，湯，飯或者烏冬，同埋可以加配飲品同小食，唔錯。鳳梨特飲同巨峰特飲，都係套餐加配，飲落清爽果味濃郁，同燒烤好夾。牛魔三重盛宴(150g)，包括牛舌，牛五花同牛板腱三款肉。每個套餐可以揀3款醬汁，可以根據唔同食材來搭配。牛肉全部薄切，略微燒下已經可以食。牛五花入口奶香味十足，牛舌Q彈爽口，牛板腱彈牙之餘又好軟嫩，各有特色。套餐主食揀咗烏冬，湯底係魚湯，湯底奶白飲落鮮甜。烏冬煮得啱啱好，軟硬適中，嗦曬湯底鮮味。特大虎蝦一隻，套餐加配小食，虎蝦新鮮，食落蝦肉鮮甜。封門柳&西班牙黑毛豬五花套餐（200g），封門柳超大一件，要燒耐少少才得，牛肉肉質軟嫩爽口，真想encore多一份。豬五花肉厚身大件，大火逼出油脂，建議搭配柚子燒汁一齊食用，可以解咗豬肉油膩。米飯用咗日本米，煮到粒粒分明晶瑩透亮，入口香糯帶有回甘。野菜拼盤，數款蔬菜搭配牛油一齊燒，南瓜同翠玉瓜最好味，南瓜軟糯香甜，翠玉瓜清新爽口。