泰源大排檔

營業中

休息中

fd推介既大排檔,聽講幾好味又低食,加上又有炒蜆食,即吸引左呀,個大排檔係火炭,平時唔會去既地方,去到時好似係6~7點,唔洗點等位呀,坐入面既位可嘆冷氣呀,叫左個好抵食既套餐,個餐有好多野,有7個餸,4人食~~~!乳鴿,有兩隻,雖然濃左少少,不過都食好味呀~!椒鹽瀨尿蝦,喱個係送既,好抵呀,瀨尿蝦幾新鮮,唔錯呀~!豉椒炒蜆,最鍾意食喱個呀,好味呀~~~~~~~!田雞粥,本身唔太鍾意食粥,不過喱個田雞粥我又幾鍾意呀,因為唔係清淡既粥,可能係煲田雞之下,d粥好綿,食落又好清甜,田雞又唔係因為咁而冇晒味,keep到個清甜味同個味唔淡,好味呀~!瑤柱白菜~!咁多肉之下要食點菜,唔錯呀~!椒鹽豆腐,食左少少呀,因為太多野食之下,掛住食其他野,喱個豆腐個外皮冇咩味,不過食落去入面熱辣辣,豆腐好滑呀,唔錯呀~!豉椒鵝腸,d鵝腸咬落好爽口,同好入味呀~!我地4個人每人大約係$110到,幾抵呀,同每碟餸既份量都幾多,幾好食,唔錯呀~!