皇室冰廳 (已結業)

今日放假，難得好心情❤️❤️，就打埋呢篇食評啦😆。上星期放假，去咗長沙灣搵表姐一齊食個下午茶👭🏻，順便update下大家嘅近況。表姐就推介左呢一間「皇室冰室」，佢話佢得閒嗰陣時都會落嚟食下個喎，因為又平又好食😋😋😋一坐低，抬高頭，就被呢一把風扇吸引咗目光😂😂，我諗店舖係因為唔想啲冷氣直接吹到客人，所以就加咗呢一把風扇去分散啲風力，都幾貼心👍🏼👍🏼下午茶餐，就梗係一定要食炸嘢㗎啦😋😋。我就帶咗一個炸雞翼配薯角，一上到枱即刻攞咗隻雞翼食，真係新鮮即炸㗎，好好食呀！😍😍😍啲薯角都好真材實料，感覺到個嘴入面有滿滿嘅薯仔味，份量唔算好多但係一定夠飽😋😋😋😋表姐就嗌咗炸雞髀同沙律呢一個絕配🍗，因為表姐掛住講講講，所以等咗一陣之後先食隻雞髀，但係佢個皮仍然係好鬆脆，而肉汁仍然鎖住喺個雞髀嗰度😋😋最後都坐咗喺嗰度兩個鐘，跟住先走，但係老細都冇話趕我哋走，所以呢餐飯食得好輕鬆好開心😆😆👍🏼👍🏼👍🏼👍🏼