西樹泡芙 (沙田站)

營業中

休息中

經過沙田港鐵站見到《西樹泡芙》，心血來潮好想食泡芙，揀咗三個返屋企同老公阿女分享。櫥窗擺滿各款味道泡芙，見到已經流曬口水，熱食推介有爆漿吉士布甸泡芙，經過已經聞到香噴噴，每月2日有買二送二優惠(指定款式)，今日剛巧遇上感謝日，見到人龍排隊呢！抹茶紅豆~抹茶同紅豆永遠是絕配，味道很夾之餘，互相輝映，呢個抹茶味夠香濃。朱古力三重奏~泡芙外脆內軟，朱古力外層嘅泡芙脆脆可口，朱古力忌廉食到舐舐脷。白桃乳酪~新鮮白桃，入口多汁香甜，厚厚乳酪滑捋捋，連同泡芙，滿足多種味覺享受。