影片
更多
2025-02-18
0 瀏覽
呢排香港好凍，我哋就知道要捉緊冬天嘅尾巴，因為香港真正凍嘅日子真係唔多。我就把握機會去呢一間食羊腩煲。佢可以話係我食過嘅羊腩煲最好食嘅一間。 🍖首先係羊肉嘅數量，其他嘅羊腩煲一般都係件數唔多，從好嗰方面諗，就係我哋可以叫多啲其他嘢食，負面啲，就係唔夠食。呢度嘅羊腩煲，你一打開就見到裡邊，都係滿滿嘅一盤，而且下面唔係好似盆菜咁，搵啲嘢墊起佢，而係仲有好多羊肉。 🍖羊肉嘅質量亦都相當高，羊本身一定有啲騷味，如果太肥，就會變得勁騷，食得幾舊就唔想食，呢度嘅肥瘦均勻，皮同埋瘦肉中間，一定會夾雜住肥膏，但係唔係過分，而係剛剛好可以帶出肉香，所以總括一啖咬落去，會食到皮嘅滑嘟嘟，肉嘅軟腍腍，同埋脂肪嘅香噴噴。 🍖跟住就係湯汁，有淡淡嘅藥膳味道，唔會太濃，所以令到更加產生補身嘅感覺，而且非常配合肉嘅味道，絕對唔會喧賓奪主。店員又會好細心咁喺中間未煲透但湯又滾起嘅時候嘅時候，將啲湯汁畢起，淋係肉上面，令到每件肉都可以充分覆蓋湯汁。 🍖當然我哋都叫咗荷蘭豆炒蝦球同埋醃魚皮，兩樣嘢都非常爽脆，但係係唔同嘅脆，蝦球同荷蘭豆一齊發揮爽彈嘅口感，而且用一個好富有詩情畫意嘅碟上枱。魚皮仲正，食落真係以為食緊海蜇，
🍖首先係羊肉嘅數量，其他嘅羊腩煲一般都係件數唔多，從好嗰方面諗，就係我哋可以叫多啲其他嘢食，負面啲，就係唔夠食。呢度嘅羊腩煲，你一打開就見到裡邊，都係滿滿嘅一盤，而且下面唔係好似盆菜咁，搵啲嘢墊起佢，而係仲有好多羊肉。
🍖羊肉嘅質量亦都相當高，羊本身一定有啲騷味，如果太肥，就會變得勁騷，食得幾舊就唔想食，呢度嘅肥瘦均勻，皮同埋瘦肉中間，一定會夾雜住肥膏，但係唔係過分，而係剛剛好可以帶出肉香，所以總括一啖咬落去，會食到皮嘅滑嘟嘟，肉嘅軟腍腍，同埋脂肪嘅香噴噴。
🍖跟住就係湯汁，有淡淡嘅藥膳味道，唔會太濃，所以令到更加產生補身嘅感覺，而且非常配合肉嘅味道，絕對唔會喧賓奪主。店員又會好細心咁喺中間未煲透但湯又滾起嘅時候嘅時候，將啲湯汁畢起，淋係肉上面，令到每件肉都可以充分覆蓋湯汁。
🍖當然我哋都叫咗荷蘭豆炒蝦球同埋醃魚皮，兩樣嘢都非常爽脆，但係係唔同嘅脆，蝦球同荷蘭豆一齊發揮爽彈嘅口感，而且用一個好富有詩情畫意嘅碟上枱。魚皮仲正，食落真係以為食緊海蜇，有脆滑嘅口感。
張貼
