影片
更多
2015-10-13
677 瀏覽
最近日日都落雨落足兩個星期，加上工作唔多順利，真係搞到心情都麻麻地，約朋友去街，落雨濕濕行多兩行，又要搵地方避雨，好麻煩。其實都無咩心情見朋友，反而想揾間 Cafe避下世，好好招待自己，透下氣。我決定搵一間食 all day breakfast 既 Cafe，慢慢嘆番兩個鐘，消磨下時間。上左一輪open rice, 發覺Zenon Cafe 既 all day breakfast 評價好高，呢一間Cafe我之前黎飲過咖啡，對佢哋用既精品咖啡一試難忘，果種帶一點低沉既咖啡濃香，輕輕呷一口混合新鮮咖啡油的奶泡，嗰種滋味，真係無得輸。星期六落豪雨既中環，天陰陰，夾雜打雷聲，條條街都好冷靜，橫風橫雨係地鐵行上威靈頓街去食 All Day Breakfast，我真係覺得自己有點瘋狂，唉，無計啦，要尋找鬧市中名不虛傳嘅咖啡同 All Day Breakfast 嘛。。。出地鐵行左十幾步路已雙腳全濕，呢種天氣真係令人感到進退两難。唔通又折翻地鐵翻屋企咩?唯有頂硬上，希望Zenon Cafe 照常營業，俾我呢個傻人好好避下世！原本以為落雨會冇乜人出街，下晝三點幾行入Zenon Cafe嘅時候，當堂呆左
我決定搵一間食 all day breakfast 既 Cafe，慢慢嘆番兩個鐘，消磨下時間。
上左一輪open rice, 發覺Zenon Cafe 既 all day breakfast 評價好高，呢一間Cafe我之前黎飲過咖啡，對佢哋用既精品咖啡一試難忘，果種帶一點低沉既咖啡濃香，輕輕呷一口混合新鮮咖啡油的奶泡，嗰種滋味，真係無得輸。
星期六落豪雨既中環，天陰陰，夾雜打雷聲，條條街都好冷靜，橫風橫雨係地鐵行上威靈頓街去食 All Day Breakfast，我真係覺得自己有點瘋狂，唉，無計啦，要尋找鬧市中名不虛傳嘅咖啡同 All Day Breakfast 嘛。。。出地鐵行左十幾步路已雙腳全濕，呢種天氣真係令人感到進退两難。唔通又折翻地鐵翻屋企咩?唯有頂硬上，希望Zenon Cafe 照常營業，俾我呢個傻人好好避下世！
原本以為落雨會冇乜人出街，下晝三點幾行入Zenon Cafe嘅時候，當堂呆左…..裏面已經聚集咗唔少同我一人來嘆下午茶嘅朋友，輕快嘅音樂、好cool嘅裝修、熱鬧嘅氣氛，同店員親切既笑容，一點都無變！大家似乎都無受到出面天雨嘅影響，帶住愉快既心情係度傾計同食野，，Sound good, 打風一個人走左出黎坐 Cafe，一點都唔孤單。
企係門口影左張相，店員已經熱情咁過黎同我打招呼，好感恩今日居然俾我揾到一片樂土。坐低之後，我睇一睇個餐牌，有於一心係黎食 All Day Breakfast所以直接落單，呢度既 All Day Breakfast好人性化，每項細節都可以有選擇自己中意既食材，教我如何不愛它！
先係蔬菜類--
二選一 : 沙律同焗茄汁豆
蛋白類--
四選三 : 黑豚煙肉，咸牛肉，芝心雞腸，火雞扒
碳水化合物
窩芙三選一 : 香蕉，藍莓，草莓
雞蛋
選一種做法 : 芝士奄列，炒蛋，太陽蛋，煎双面蛋
淨係呢個多彩多姿嘅選擇，都用咗我好多時間思考，好彩耐心既店員係我落單嘅時候，都詳細地同我說明左每樣食材嘅特色同口味，令我呢個有選擇困難症嘅性格，可以作出自己最滿意既組合！
原本呢個餐係包左一杯黑咖啡，就係因為我唔覺意望到佢有一個新既 Special Drink Menu，於是又開始三心兩意，想試吓佢哋呢度特調嘅花茶。
店員見到我又婆婆媽媽，笑住提議我不如杯咖啡臨走嘅時候用外賣杯比我帶走，係呢度就試吓佢哋最有人氣嘅 Roseberry Zen Tea，我都開心接受。
all day breakfast
19 瀏覽
0 讚好
0 留言
Roseberry Zen Tea
$48
33 瀏覽
0 讚好
0 留言
掛住欣賞呢杯花茶，差啲冷落左放埋一邊嘅 All Day Breakfast
先試下呢個煙肉先~出面食開果有硬又乾又熱氣，呢個煙肉係我食過最好食嘅煙肉。首先煙肉煎得啱啱好，柔軟而容易切開，豚肉味濃而油脂分布平均，豬煙肉有肉味，好正！
襯托著煙肉既係新鮮嘅沙律同蕃茄。蔬菜非常新鮮，由幾款唔同既鬼佬蔬菜組成，沙律配上佢地獨特嘅沙律醬，清新可口，沙律醬食得出有檸檬汁橄欖油黑椒同香草等，我對鬼佬蔬菜名認識唔深，只認為其中一款係火箭菜。
跟住再食呢個脆皮嘅芝士雞肉腸，脆脆皮煎香左之後會咬一啖都拍拍聲，一切開個芝心已經急不及待咁流露出來，雞肉味濃，唔怪得之前嘅食評都重點大贊呢個芝士雞肉腸啦！一條真係唔夠食！
原本係個行牛肉同火雞扒之間作唔出決定。店員同我講既火雞好健康，係外面比較少有，而且所以就試下。
原本對火雞嘅印象麻麻地，所以都冇乜期望。於是放喺最後先食。點知食咗第一啖即刻忍唔住望真啲，呢個火雞既肉味好特別，肉汁豐富，肉質好滑好juice，肉邊帶有少少雞皮令火雞肉更香口。火雞肉嘅纖維豐富，係四種容裏面最健康，最低脂既。
一路食一路無法想像呢塊佢係切割自火雞既美食，真係食過翻尋味，依家寫緊呢篇食評嘅時候睇返啲相，已經好想快啲返去再食多次。呢個奄烈真係冇叫錯，一切開奄烈，蛋汁同芝士除除流出，雞蛋非常香滑，裏面嘅車打芝士用料非常大方，令人感動。
問店員想點解個奄列甘好食，佢哋話係選用左蛋味最香濃嘅荷蘭雞蛋，荷蘭雞蛋本身帶有少少甜味，所以唔需要添加任何調味，已經可以做出一個美味嘅炒蛋或奄列。
係蛋度加 d北海道牛奶黎係增加奄列嘅柔滑度。omg...真係好好食。呢個 All Day Breakfast最得意就係呢一個窩芙。可能佢哋知道香港人鍾意食甜品，所以用窩芙代替左傳統既多士。 好開心
我暫時係香港未揾到一間質素高又令人念念不忘既餐廳，Zenon Cafe 係一間令我食完All Day Breakfast成日都諗起既 Cafe，Café 環境入型入格又舒適，無論一個人，一班人都可以輕鬆自在，坐耐左都完全唔記得自己身在何處。佢哋認真追求食材質素，一個咁豐富既 All Day Breakfast又包埋甜品同黑咖啡，HK 128，非常之滿足抵食， 我甚至覺得係物超所值。
終於明白點解咁多人盛讚 Zenon Cafe嘅 All Day Breakfast，懇請呢個週末再落雨，俾我機會 (藉口) 再黎過！
題外話/補充資料：
幾個月前黎既時候，佢地仲未有 All Day Breakfast，估唔到佢地將對咖啡既執著已延伸到食物上，食完之後幾日，仲好掛住佢地既奄列，芝心雞腸同火雞扒，香港可以有甘高質素既，大家有口福了。
(以上食評乃用戶個人意見 , 並不代表OpenRice之觀點。)
張貼
