影片
更多
2023-10-12
624 瀏覽
呢間pizza 專門店喺灣仔星街，要上一條大斜路先至到。一至五有pizza午市套餐，最抵讚係一人套餐！唔洗湊夠一棚人都食到。套餐有三樣野：前菜，pizza，甜品／espresso，每位$138，其實好多款都要加錢，埋單好大機會超過呢個價。前菜：炸芝士意大利飯球好好食！即炸，熱辣辣，外脆，灑上芝士碎，入面係好濃嘅意大利飯，芝士味足。配一小碟紅色醬汁，係意式蕃茄意粉醬。其他前菜可以揀沙律，火腿配pita bread咁上下，加$25可以叫布袋mozzarella Pizza：煙火腿，翠玉瓜，芝士，芝士好好食！！！一上檯見煙火腿上面有cream，以為咩新搞作，原來係一款好creamy嘅芝士😋😋😋我spread 開嚟食，好好味。麵團煙韌，偏薄，好好食。但煙火腿咬唔斷，啖啖都吊住，好狼狽。pizza 6-7吋，加$25可以加大至10吋左右，如果我個胃可以加大就好。忽發奇想，將pizza 條邊蘸小食嗰個紅色醬，好夾好好食。上菜時侍應生會問要唔要辣油同辣椒乾碎甜品：tiramisu 呢個有啲失望，我中意酒浸蛋糕嗰部分多啲，但呢個mousse狀芝士好多，比較膩，唔係我最中意嘅配方，唔知係咪咁先正宗，我未
前菜：炸芝士意大利飯球
好好食！即炸，熱辣辣，外脆，灑上芝士碎，入面係好濃嘅意大利飯，芝士味足。配一小碟紅色醬汁，係意式蕃茄意粉醬。其他前菜可以揀沙律，火腿配pita bread咁上下，加$25可以叫布袋mozzarella
Pizza：煙火腿，翠玉瓜，芝士，芝士
好好食！！！一上檯見煙火腿上面有cream，以為咩新搞作，原來係一款好creamy嘅芝士😋😋😋我spread 開嚟食，好好味。麵團煙韌，偏薄，好好食。但煙火腿咬唔斷，啖啖都吊住，好狼狽。pizza 6-7吋，加$25可以加大至10吋左右，如果我個胃可以加大就好。忽發奇想，將pizza 條邊蘸小食嗰個紅色醬，好夾好好食。上菜時侍應生會問要唔要辣油同辣椒乾碎
甜品：tiramisu
呢個有啲失望，我中意酒浸蛋糕嗰部分多啲，但呢個mousse狀芝士好多，比較膩，唔係我最中意嘅配方，唔知係咪咁先正宗，我未去過意大利食，只喺香港好多意大利餐廳食過，呢間我唔中意。唔食甜品可以揀要杯espresso
有幾款酒精飲品，有優惠價加配
侍應生都係南亞裔女仔，講英文，態度幾好幾熱情，有介紹menu，主動加水。𣎴過一個人一定要坐bar位高腳凳，對住玻璃，另一面係廚房，我唔中意，𣎴過一至五食晏繁忙時間，都無計
張貼
