Duet Cuts & Cups

營業中

休息中

難得放假，朋友提議到黃埔一間係salon入面既cafe試下。首先講食物，我地各自叫左意粉同咖啡，味道係的確唔錯既....但當食到最後一啖既時候，突然間食到口中有一樣硬既異物刮到條脷，吐出來發現係一塊好尖銳既透明物體（如圖）以為係玻璃！個下真係嚇死！好彩既係當時食得唔快而且及時發現到，如果食得快相信真係會𠝹到流血，甚至吞左落去後果真係不堪設想....直到離開既時候，職員都冇主動同我地解釋番究竟係咩原因搞到碟意粉有塊咁尖銳既膠碎片，臨走時問佢，佢先解釋番係因為烹調用既器具爛左所以混左落意粉度...？煮野食唔係應該要用耐熱既器具？？？真係唔明喎雖然職員都有道歉同退番出事果碟意粉既錢，但對本人來講係一次非常恐怖既經歷...希望佢地以後會多加注意同改善，唔好再有客人遇到咁危險既事，呢次唯有當自己黑仔啦。