大安茶冰廳

營業中

休息中

在網絡上見到有朋友推薦呢間重開的"餐廳"，小弟趁呢個機會去試下。朝早去到餐廳的時間比較尷尬，十一點未到又未有熱食，於是試下其他高手們推薦的其中三款食物。1. 杏仁卷蛋-對比出面的卷蛋，呢款卷蛋不只較為細款，而且落的忌廉亦較少（我好鐘意）。相比之下，杏仁味非常突出。2 + 3 培茶拿鐵 + 焦糖蛋撻小弟平常較少飲拿鐵，於是貪新鮮試試。拿鐵的拉花好靚，但最令我驚喜的地方，系杯拿鐵的奶味唔會太重，培茶味又唔會太出，所以成杯拿鐵唔會太有茶苦味之餘，亦飲到成杯拿鐵的奶滑感覺。呢杯拿鐵值得我下次再飲過。但系焦糖蛋撻就有D出乎意料的碎散（比餐廳外面蛋撻的形象欺騙...)，上碟個陣見到蛋撻個時，已經有少少失望。雖然食落都有蛋的滑溜感同焦糖的微微脆香，但兩者唔系融埋一齊。更重要系小弟食蛋撻，比較鐘意一手攞起蛋撻，然後一口食落去，甘先過癮。呢個蛋撻...小弟唯有扮一次斯文人，用餐具"享受"。至於其他款式食物，留待將來揾機會再試。