Running 燒 (已結業)

第一，一上啲肉全部都係勁薄，燒完之後好油，食落完全冇肉味，唔點下啲醬汁係完全冇味嘅。正常就算冰鮮頹肉都會醃下，有啲醃料味，呢度啲肉係完全冇。另外有加咗成二百蚊轉和牛嘅set，啲和牛就係相入面睇到好薄好肥，油同肉分開晒嗰啲。小弟可能未食過好野，唔知呢啲係咪靚和牛，總之我見到嘅肉就係咁，埋單兩個人八百幾蚊。第二，喺相都睇到有啲肉唔知係啱啱冰格拎出嚟定點，係硬嘅，未解凍，一舊冰咁樣直接放上個爐度燒🙏🏻🙏🏻🙏🏻冰鮮肉冇味都算，未解凍就咁放上嚟真係未見識過。嗰度有其他熟食，我試過最好食（正常）就係佢嘅紫菜飯，西柚定唔知咩柚子炸雞朋友話好難食。成間野1點幾lunch time得兩三枱，呀姐仲一嚟同我講明2點幾一定要交枱，咁嘅質素嘅野真係驚我食太多對身體唔好，呀姐真係關心我係咁多，openrice咁多正評，大家睇路。2023年5月