影片
更多
2018-10-14
404 瀏覽
琴日男朋友生日入南丫島諗住過個優閒既weekend食完lunch行番去渡假屋既途中諗住搵下今晚食咩好，行過呢間野門口有個侍應好欣勤咁介紹我地食乜，又話可以幫我地book露天海景個高凳位。好啦見佢sell得咁落力，個menu d野都係普通西餐應該唔會伏得去邊咁，我地就book左7點食。於是我地6點9到左，大安旨意諗住有個靚位歎個生日飯，點知剛才位先生話幫我地book左個張檯重有一家人食緊飯，睇落食左一半都未夠，三個字內點會交到檯，完全覺得係俾人呃左黎食咁我地諗住是旦啦佢都俾我地坐原本個張檯既隔離張檯，都叫海景位啦，點知食物又係一個大伏。我地叫左個caesar salad 一個普通肉眼扒同一個surf and turf。首先你開得係南丫島正常都應該識自己menu d英文點讀，但個waiter聽到surf and turf之後個樣好疑惑重下左一聲要講番中文先知我地叫咩，心諗點丫pro少少好無羅宋湯，得個酸字，一般茶記都整得有水準過佢。caesar salad肯肯定唔係用caesar汁黎撈既，充其量都係卡夫cheap雞奇妙醬，用黎撈鮮果沙律都過得去，但大佬丫我地叫caesar喎你都專業少少用番
食完lunch行番去渡假屋既途中諗住搵下今晚食咩好，行過呢間野門口有個侍應好欣勤咁介紹我地食乜，又話可以幫我地book露天海景個高凳位。好啦見佢sell得咁落力，個menu d野都係普通西餐應該唔會伏得去邊咁，我地就book左7點食。
於是我地6點9到左，大安旨意諗住有個靚位歎個生日飯，點知剛才位先生話幫我地book左個張檯重有一家人食緊飯，睇落食左一半都未夠，三個字內點會交到檯，完全覺得係俾人呃左黎食咁我地諗住是旦啦佢都俾我地坐原本個張檯既隔離張檯，都叫海景位啦，點知食物又係一個大伏。
我地叫左個caesar salad 一個普通肉眼扒同一個surf and turf。首先你開得係南丫島正常都應該識自己menu d英文點讀，但個waiter聽到surf and turf之後個樣好疑惑重下左一聲要講番中文先知我地叫咩，心諗點丫pro少少好無
羅宋湯，得個酸字，一般茶記都整得有水準過佢。
caesar salad肯肯定唔係用caesar汁黎撈既，充其量都係卡夫cheap雞奇妙醬，用黎撈鮮果沙律都過得去，但大佬丫我地叫caesar喎你都專業少少用番凱撒沙律汁好嘛。上面d煙三文魚碎濕濕，d沙律菜又淋到不得了，咁都要128蚊你真係唔好去搶。
肉眼扒，我叫五成熟，佢煎到側邊well done，中間都起碼七成熟，咁都夠膽拎出黎俾人食，重要 menu上面有頂廚師帽話係推介，有無d過份。男朋友個surf and turf叫左三成熟，肉質正常，但個面一d都唔crispy，都係一塊hea貨。大蝦還可以，至少唔係霉既，重有d膏。
野食唔好食，個環境又黑到爆，要開住電話個閃光燈先睇到menu，唔係黑mung mung咁就叫浪漫嫁。唔怪得全程連埋我地都得三檯人。食完野行出大街，見其他食店無論係中菜印度菜定西餐都差不多滿座，終於都知點解間野4點幾已經要有個人企出黎sell人晚餐。門口重有個黑板寫住為你做到最好，個大話你唔好再吹大d
張貼
