影片
更多
2023-01-19
327 瀏覽
呢間餐廳位於觀塘工廠樓上鋪，主打半自助西餐，餐廳入面仲有得玩飛標同桌球枱，現場都有人喺到玩，好岩一大班朋友去聚餐。因為今次得兩個人食同唔算太肚餓，所以今次唔食自助餐，就簡咗二人餐同佛跳牆試下。1. 燒牛肉野菜沙律沙律嘅份量比想像中多，勁多菜同蕃茄仔，牛肉都有成四塊，平時好驚沙律唔夠汁，但係佢呢個沙律落咗勁多汁，酸酸地幾開胃。2. 澳洲肉眼扒（8安士）配燒汁我地叫咗五成熟，煮得岩岩好，肉質嫩滑，食落都好juicy；舊牛扒都幾大塊，比手掌嘅size仲大，同埋佢嘅薯蓉都幾特別，個薯蓉係黑色，感覺似墨魚汁薯蓉，幾有趣！3. 墨魚魷魚意大利粉雖然食完個嘴會好污漕，但係我覺得個意粉都係值得叫，意粉硬度岩岩好，個汁好creamy同好夠味，魷魚又唔會整到好韌。4. 佛跳牆雖然同西餐好似有啲唔夾，但係都叫咗個中湯滋潤下，好有驚喜，同埋入面都好足料，食到鮑魚、海螺等材料。5. 甜品個二人餐仲包埋個甜品，今日嘅甜品係芝士蛋糕配雪糕，味道正常，餐廳好貼心，兩個人嘅雪糕都唔同味，可以share食，有芒果同綠茶味，上面仲有朱古力醬。6. 飲品 & 餐湯今日嘅餐湯係椰菜花忌廉湯，稀稠度適中，好岩配埋個包一齊食，而飲
1. 燒牛肉野菜沙律
沙律嘅份量比想像中多，勁多菜同蕃茄仔，牛肉都有成四塊，平時好驚沙律唔夠汁，但係佢呢個沙律落咗勁多汁，酸酸地幾開胃。
2. 澳洲肉眼扒（8安士）配燒汁
我地叫咗五成熟，煮得岩岩好，肉質嫩滑，食落都好juicy；舊牛扒都幾大塊，比手掌嘅size仲大，同埋佢嘅薯蓉都幾特別，個薯蓉係黑色，感覺似墨魚汁薯蓉，幾有趣！
3. 墨魚魷魚意大利粉
雖然食完個嘴會好污漕，但係我覺得個意粉都係值得叫，意粉硬度岩岩好，個汁好creamy同好夠味，魷魚又唔會整到好韌。
4. 佛跳牆
雖然同西餐好似有啲唔夾，但係都叫咗個中湯滋潤下，好有驚喜，同埋入面都好足料，食到鮑魚、海螺等材料。
5. 甜品
個二人餐仲包埋個甜品，今日嘅甜品係芝士蛋糕配雪糕，味道正常，餐廳好貼心，兩個人嘅雪糕都唔同味，可以share食，有芒果同綠茶味，上面仲有朱古力醬。
6. 飲品 & 餐湯
今日嘅餐湯係椰菜花忌廉湯，稀稠度適中，好岩配埋個包一齊食，而飲品叫咗凍檸茶，幾鐘意餐廳會額外預備糖漿俾我地自己落。
張貼
