南대門韓國料理

營業中

休息中

真係好耐冇食韓國嘢，今日約咗朋友喺尖沙咀食晚餐，朋友話好耐都冇嚟過呢間南大門，於是今次就揀咗去呢間分店，因為鍾意呢度嘅裝修有韓國feel，加埋坐得都好舒服，店員更加係十分之友善，當然啦，食物都真係好食嘅！呢到嘅banchan option都有好幾款，最鍾意就係佢個芽菜， kimchi都相對比較酸，好新鮮。雪濃牛骨湯完全係食到韓國嗰種風味，雪濃湯好清淡，但係有濃郁嘅牛味，好清甜，見到白白嘅湯加埋kimchi一齊食真係覺得好窩心。石鍋牛肉飯一上枱已經聞到好香嘅味道，飯焦都有好多，啲飯脆脆哋焦焦地，真係好正。牛肉都絕對冇話鞋。海鮮辣豆腐湯有超多海鮮，而且個湯個辣味剛剛好，配埋飯食真係一流！