成都老碼頭火鍋 (已結業)

今晚同爸爸一齊去打邊爐，來到成都老碼頭火鍋。爸爸食辣，而我不食辣的，所以我們點了鴛鴦鍋，小辣鍋及豬骨湯。爸爸說小辣不是太辣，味道剛好，而我的豬骨湯底都好清，可以當湯喝，湯底有冬菇、火腿及紅棗。湯底來了後，我地就開始食唔同既食材。 我地點了1份澳洲雪花肥牛、半份帝皇蟹柳、半份珊瑚蚌1份魚皮餃，1份皇帝菜同埋我最鐘意食既即炸響鈴，爸爸再點左杯啤酒。爸爸話啲肥牛好味，佢一個人都食左成碟~我覺得響鈴炸得好脆，放入湯幾秒拎返出黎食勁好味。其他食材都好新鮮，7點半前埋單及離座仲可以有餐牌的七折，今晚我同爸爸都食得好滿足好飽~