FooDo

營業中

休息中

又同老公嚟旺角搵嘢食，經開呢邊就試吓呢間啦😊餐廳唔係好大，以白色為主，感覺好乾淨舒服，食物都唔錯：🥒醋漬青瓜份量唔多但用嚟做開胃菜啱啱好，而且唔會太酸，微微酸好開胃。🍗烤焗芝士雞塊即叫即焗，啖啖雞肉，做到外面好香口而裡面雞肉仲係好juicy😋🍝蕃茄汁鳳尾虎蝦、菠菜葉配手作闊麵 （不辣）手作意粉好有咬口，蕃茄汁好食，甜酸度啱啱好，闊麵跟3隻虎蝦，唔好睇好似好細份，因為意粉厚身，所以都好飽肚。🍕菠菜葉、車打芝士、大陽蛋手作薄餅Pizza皮薄，好欣賞佢做到脆邊而餅底軟熟，雖然料唔多但好夠味，配流心蛋黃香味提升👍🏼☕️凍冷泡咖啡＋日本雲呢拿雪糕咖啡無糖無奶，入面加咗一球雲尼拿雪糕，creamy咗又唔會太甜，好飲。🍹凍水果茶唔甜但好好飲，佢係微凍無冰，所以戒緊凍飲嘅我都覺得啱啱好。