春水堂 (希慎廣場) (已結業)

其實食咗幾次，因為呢度啲嘢啱小朋友食😜🍜紅燒牛肉麵（半筋半肉）牛筋好正入口即溶嗰隻，俾我食晒，反而齋牛肉就有少少鞋口，最鍾意佢跟埋個配菜，少少辣好好送飯或麵，如果有得賣就好喇。湯底好濃牛肉味，成碗麵好足料，牛筋好似食極都有咁😂哥哥都食咗我幾啖麵。🍚迷你魯肉飯呢個係叫俾哥哥，佢好乖自己食晒，真係食晒😂我一啖都無食過。佢哋嘅魯肉飯係唔錯，之前食佢哋嘅便當都試過。🍹朱古力珍珠奶茶好濃朱古力味，其實唔加奶茶2個字我覺得似係飲緊朱古力加珍珠，係耐唔耐有一吓飲到有少少茶香，雖然都要$41但都算大杯。