影片
更多
2016-06-29
335 瀏覽
最近天氣炎熱，係131年嚟第一次連續四日錄得35度高溫嘅... 不過有個理論叫「以熱治熱」，愈熱就愈要食熱嘢，所以同朋友打個邊爐會舒服啲囉 ［香煎蝦餅，$68］呢日放工太肚餓嘅關係，等唔到慢慢烚嘢食，所以叫咗個小食先... 呢個蝦餅煎得香脆不在話下，蝦餅入面唔止有手打蝦膠，仲有粒粒蝦肉，鮮甜得嚟口感十足！ ［自選鴛鴦湯鍋，$88］湯底，識食梗係食鴛鴦鍋。我哋聽老細介紹要咗蕃茄薯仔湯，而另一半就梗係麻辣啦。個鍋一送到我地面前已經聞到陣陣麻香。雖然望落佢係有一層紅油浮喺面，但係食落一啲肥膩感覺都冇 蕃茄薯仔湯底就好清甜，而且仲落咗芹菜，令個湯更加香同冇咁熱氣 ［野生竹笙，$48］麻辣鍋點少得竹笙？強烈推介俾鐘意食辣嘅人！佢索哂啲麻辣湯後變成麻辣竹笙，冇得頂 ［前：花雕本地肥牛，$128；後：自家制鮮四寶丸，$84］肥牛：淥之前有好香嘅花雕味，淥咗之後都一樣係好香嘅花雕味 可能係部位嘅關係，就算淥耐少少都唔會韌，而且肥瘦分佈啱啱好，唔會似平時食到嘅急凍肥牛一樣肥膏多過肉。四寶丸：七款丸任揀四款，我哋就揀咗白魚蛋、墨魚丸、羊肉丸、蝦丸。我只可以講，呢度嘅丸同出面食嘅冇得比，打丸嘅師
［香煎蝦餅，$68］呢日放工太肚餓嘅關係，等唔到慢慢烚嘢食，所以叫咗個小食先... 呢個蝦餅煎得香脆不在話下，蝦餅入面唔止有手打蝦膠，仲有粒粒蝦肉，鮮甜得嚟口感十足！
［自選鴛鴦湯鍋，$88］湯底，識食梗係食鴛鴦鍋。我哋聽老細介紹要咗蕃茄薯仔湯，而另一半就梗係麻辣啦。個鍋一送到我地面前已經聞到陣陣麻香。雖然望落佢係有一層紅油浮喺面，但係食落一啲肥膩感覺都冇 蕃茄薯仔湯底就好清甜，而且仲落咗芹菜，令個湯更加香同冇咁熱氣
［野生竹笙，$48］麻辣鍋點少得竹笙？強烈推介俾鐘意食辣嘅人！佢索哂啲麻辣湯後變成麻辣竹笙，冇得頂
［前：花雕本地肥牛，$128；後：自家制鮮四寶丸，$84］肥牛：淥之前有好香嘅花雕味，淥咗之後都一樣係好香嘅花雕味 可能係部位嘅關係，就算淥耐少少都唔會韌，而且肥瘦分佈啱啱好，唔會似平時食到嘅急凍肥牛一樣肥膏多過肉。
四寶丸：七款丸任揀四款，我哋就揀咗白魚蛋、墨魚丸、羊肉丸、蝦丸。我只可以講，呢度嘅丸同出面食嘅冇得比，打丸嘅師傅真係要比個獎杯佢 全部都好彈牙，好實在，唔係粉多過肉嘅丸，真係真材實料，好好味！
［酸梅湯，$30］打邊爐唔可以少咗酸梅湯。我估連酸梅湯都係餐廳自已整嘅，因為佢少少酸少少甜，唔似平時飲嘅糖漿酸梅湯
［象拔蚌刺身（例），$368］賣相令人賞心悅目，象拔蚌好新鮮、清甜、爽口！隔離枱叫咗活魚刺身同龍蝦刺身，我下次要試埋先
（另外，wasabi係新鮮wasabi而唔係溝粉溝出嚟嗰隻，加分！ ）
最後老細見我哋就食完就主動送咗兩件杞子圓肉桂花糕俾我哋食。桂花味好清香，估唔到連甜品都咁有水準
張貼
