黃金雞

營業中

休息中

=== 「推介」===- 黃金雞半隻，無骨，多肉，又瘦又滑，有雞味，暫時係香港食過最好食的海南雞- 秘製牛腩例牌，五香風味，一樣都係多肉，份量都唔算少，而且好淋好入味，好味- 紅咖喱炸豬排飯，整起熱辣辣，紅咖喱香，不過唔係好辣，炸豬排又乾又脆，好抵食，配上的飯也好多，超飽- 芝士薯波，內裡係薯蓉，芝士唔係同薯蓉撈埋一齊，分開個別一塊，食到濃郁芝士味- 餸菜配上的紅蘿蔔絲，醃製過，甜甜地，開胃全部加埋都係$260左右遲放工，唔想煮，隨意係openrice搵間鋪，估唔到咁好味，會再幫襯！不過鋪頭好細，下次我都係會揀外賣，返屋企食，怕會整到成身油煙味。