閑茶

營業中

休息中

放工飲杯手搖，真係解決咗返左一日工作嘅疲累。位於元朗元點一期嘅閑茶同一般台式手搖店不同，佢旁邊仲有座位可以比客人休閒咁坐喺度享用。除了手搖，仲有日本人氣即炸三文治和雪糕。星鑽芒果多多芒果肉係極多，味道比較濃烈嘅甜，但因為有乳酸多多嘅關係所以需要極濃芒果味。鐘意食到芒果肉嘅朋友一定要試。芒椰西柚沙冰估唔到芒果同西柚嘅味道都可以相得益彰。西柚可以帶出一種清新嘅味道，令芒果加椰奶呢個經典組合更加有特色。士多啤梨脆脆作為一個茶點嘅份量剛剛好，炸三文治充滿牛油香味，但食落唔會成口油，炸得夠香脆乾身。士多啤梨果肉清甜，加大量cream 係最好嘅配搭。