吉列牛忌廉烏冬專門店 (彌敦道) (已結業)

又到lunch時間啦！係時候又要搵下附近有乜嘢好食。最後我哋就搵到呢間吉列牛專門店。來到吉列牛專門店，梗係要叫吉列牛定食啦！吉列牛定食呢個定食十分豐富，包括麵豉湯、凍豆腐、沙律同埋白飯。白飯上面仲加有飯素，增加食慾！來到介紹主角吉列牛啦，牛肉係牛里脊，因為上菜時仲有少少生生地，會連埋石板一齊上，俾你自己燒，咁幾成熟就由自己話事啦。吉列牛口感外脆内淋，非常juicy，牛味十足。如果覺得吾夠牛食，加$98可以追加牛。Kobekyu牛油蜜糖單骨雞翼作為小食都唔錯！好香蜜糖味，外皮炸得都幾香口，入面啲雞肉仲好嫩滑。值得稱讚嘅係，餐廳好細心，將雞翼整為單骨，方便食客入口。一碟都有好多件雞翼，抵食！咖喱忌廉烏冬上面厚厚白色嘅係忌廉，開頭奇怪緊點解叫咖哩忌廉，原來咖喱就係忌廉下面。忌廉雖然厚，但係一啲都唔漏。咖哩味香，但就一啲都唔辣。肉方面，可以自己選擇雞或者牛，我哋就揀咗牛肉。加咗忌廉，令到烏冬口感更加滑溜，本身烏冬嘅口感都幾彈牙。呢碗咖喱忌廉烏冬嘅份量都幾大，建議要同朋友一齊分享呀！如果想食個質素高嘅吉列牛定食午餐，可以選擇呢一度。食咁多，平均價錢先至百幾蚊一位。另外，上餐快，可以節省等待時間！