上海弄堂菜肉餛飩 (歌賦街) (已搬遷) 新店位置

一陣去上環上堂，趁依家未開始繁忙時間，搵個地方食嘢先，見到呢間食上海餛飩，試吓先！好，坐低睇吓有咩好食先。坐低冇耐，開始有人潮，好彩早10分鐘坐低。酸辣餛飩麵，午市套餐，叫麵會送飲品，碗麵好大碗，仲好足料，個酸辣湯多酸多辣，又濃稠，豆腐、木耳絲、筍絲，切到剛剛好一口，好爽好有口感。餛飩有4大粒，皮薄餡多，餡料好豐富，肉同菜嘅比例好好。用上海幼麵，麵條彈牙，軟硬適中，食落唔會粉唔會糊口，掛上酸辣湯，好好味。熱甘蔗水， 好清甜，飲完喉嚨好潤好爽！