影片
更多
2022-05-25
1173 瀏覽
聽講要打無數次嘅電話先可以預約到，不過可能因為疫情關係，比較少咗人食，所以好好彩咁好快可以預約到。滿心歡喜咁同女朋友去食，果然冇令到我哋失望。一入去侍應嘅服務態度非常之好，環境都好靚。至於餐牌方面，佢就得兩個set揀。因為第一次試，所以就揀咗$680個set。set入邊就有四塊唔同部位嘅日本近江牛牛肉，除此之外我哋仲加咗$100要咗一份牛舌。不過掛住食嘅關係牛舌就冇影到相落完order之後，由前菜開始每一道菜上菜佢哋都會簡單咁介紹，等食客知道食物嘅烹調方法同特色，非常有心思。前菜有兩道，第一道係類似植物，已經記唔記得侍應嘅介紹，所有食材都非常新鮮，醬汁都非常美味。第二個前茶就係櫻花蝦蒸蛋，口感都非常豐富，佢仲加咗少少薑蓉落去，令到食起上嚟味道非常豐富到主角Sukiyaki出場，師傅仲會即場喺你面前烹調，視覺同味覺都有雙重享受，一路睇住師傅煮就好似一路睇緊表演咁。所有食材都係來自日本非常新鮮，至於白飯超好食，仲可以任裝。雖然份量睇落好少，如果係食肉獸嘅話就未必足夠。但係貴精不貴多，加上食起上嚟份量比想像中多，所以對於一般唔係特別大食嘅朋友嚟講已經好足夠。烹調嘅醬汁係正宗嘅Sukiyaki
聽講要打無數次嘅電話先可以預約到，
不過可能因為疫情關係，比較少咗人食，
所以好好彩咁好快可以預約到。
滿心歡喜咁同女朋友去食，果然冇令到我哋失望。
一入去侍應嘅服務態度非常之好，環境都好靚。
至於餐牌方面，佢就得兩個set揀。
因為第一次試，所以就揀咗$680個set。
set入邊就有四塊唔同部位嘅日本近江牛牛肉，
除此之外我哋仲加咗$100要咗一份牛舌。
不過掛住食嘅關係牛舌就冇影到相
落完order之後，由前菜開始每一道菜上菜佢哋都會簡單咁介紹，等食客知道食物嘅烹調方法同特色，非常有心思。
前菜有兩道，第一道係類似植物，已經記唔記得侍應嘅介紹，所有食材都非常新鮮，醬汁都非常美味。
第二個前茶就係櫻花蝦蒸蛋，口感都非常豐富，佢仲加咗少少薑蓉落去，令到食起上嚟味道非常豐富
到主角Sukiyaki出場，師傅仲會即場喺你面前烹調，視覺同味覺都有雙重享受，一路睇住師傅煮就好似一路睇緊表演咁。
所有食材都係來自日本非常新鮮，至於白飯超好食，仲可以任裝。雖然份量睇落好少，如果係食肉獸嘅話就未必足夠。但係貴精不貴多，加上食起上嚟份量比想像中多，所以對於一般唔係特別大食嘅朋友嚟講已經好足夠。
烹調嘅醬汁係正宗嘅Sukiyaki嘅味道，不過可能我本身食開味道偏淡嘅嘢食嘅關係，我會覺得佢嘅醬汁會有啲濃，不過完全妨礙唔到佢嘅美味。
至於牛肉方面，完全係符合佢價錢嘅質素，非常嫩滑。
食晒牛肉之後，師傅會即場烹調一碗滑蛋牛肉飯，另外總會上埋麵豉湯，同埋一道醃製嘅菜。不過依三樣嘢嘅味道都冇咩特別。
食完主菜之後仲會有甜品，甜品係一個芒果
牛奶奶凍同一舊蕨餅，牛奶味超濃，完全比得上甜品舖嘅質素，至於蕨餅就冇咩特別。
雖然book枱嗰陣用餐時間會預留兩個鐘，但係大約一個鐘頭左右就已經可以完成晒成餐晚飯。整體價錢都偏貴。不過食物質素非常好，值得一試。
張貼
