影片
更多
2024-06-21
1697 瀏覽
今晚一個人食飯，就喺屋企附近搵吓有啲咩嘢食，紅磡德民街係一條幾多小店餐廳聚集嘅街道，而見到呢間叫尋福記嘅小店就吸引咗我。餐廳裝修好乾淨，感覺好衛生，門口亦都放咗餐牌可以參考，見到原來呢間餐廳主打食沙茶麵同埋牛骨麵，亦都有$64嘅套餐，有主食、小食同飲品，而小食方面更加可以揀油菜同好多款小食，啱晒鍾意健康嘅朋友👫餐廳座位唔算非常多，但係都坐得好舒服啱晒一個人食或者幾個朋友嚟撐枱腳😽我自己一個人咋，我從來都未食過沙茶麵，咁就叫咗一個海鮮沙茶麵，見到隔籬枱食炸蝦餅非常吸引，於是我都叫返個海鮮沙茶麵$58 （轉烏東）- 內有蝦肉羹、魚肉羮、墨魚丸、豆卜，我好鍾意個湯底啊，沙茶湯底原來係咁惹味，餐廳老闆亦都唔孤寒，沙茶麵嘅配料非常多，我食咗好多粒好好味嘅蝦肉羹同埋魚肉羹啊🤤🤤仲有墨魚丸同豆卜，雖然好似係好普通嘅食物，但係加埋落去都好好味。值得一提嘅係個麵除咗油面之外仲可以揀烏冬、出前一丁、米粉等等仲唔使加錢嘅添。🫨🫨🫨油菜+$8- 我真係想講呢個生菜🥬碌得真係啱啱好！仲保持住生菜應有嘅青綠色😬你哋唔好笑我，因為我真係食過黃晒既油菜😵💫香脆炸蝦餅$28- 呢個蝦餅極度推介！我好鍾意佢個炸醬脆卜卜
今晚一個人食飯，就喺屋企附近搵吓有啲咩嘢食，紅磡德民街係一條幾多小店餐廳聚集嘅街道，而見到呢間叫尋福記嘅小店就吸引咗我。
餐廳裝修好乾淨，感覺好衛生，門口亦都放咗餐牌可以參考，見到原來呢間餐廳主打食沙茶麵同埋牛骨麵，亦都有$64嘅套餐，有主食、小食同飲品，而小食方面更加可以揀油菜同好多款小食，啱晒鍾意健康嘅朋友👫
餐廳座位唔算非常多，但係都坐得好舒服啱晒一個人食或者幾個朋友嚟撐枱腳😽
我自己一個人咋，我從來都未食過沙茶麵，咁就叫咗一個海鮮沙茶麵，見到隔籬枱食炸蝦餅非常吸引，於是我都叫返個
海鮮沙茶麵$58 （轉烏東）
- 內有蝦肉羹、魚肉羮、墨魚丸、豆卜，我好鍾意個湯底啊，沙茶湯底原來係咁惹味，餐廳老闆亦都唔孤寒，沙茶麵嘅配料非常多，我食咗好多粒好好味嘅蝦肉羹同埋魚肉羹啊🤤🤤仲有墨魚丸同豆卜，雖然好似係好普通嘅食物，但係加埋落去都好好味。值得一提嘅係個麵除咗油面之外仲可以揀烏冬、出前一丁、米粉等等仲唔使加錢嘅添。🫨🫨🫨
油菜+$8
- 我真係想講呢個生菜🥬碌得真係啱啱好！仲保持住生菜應有嘅青綠色😬你哋唔好笑我，因為我真係食過黃晒既油菜😵💫
香脆炸蝦餅$28
- 呢個蝦餅極度推介！我好鍾意佢個炸醬脆卜卜，真係好好味，你哋一定要試吓😍😍自己喺屋企用氣炸鍋係整唔到☺️☺️
呢間餐廳雖然規模較細，但係嘢食質素一啲都唔差，服務質素仲好好👍🏻見我一個人食飯都會同我傾吓偈等我冇咁悶😛😛
#香港理工大學 #香港尋福記 #尋福記香港 #廈門沙茶麵 #泉州牛肉羹#香港廈門沙茶麵 #香港泉州牛肉羹
尋福記 (紅磡)
紅磡德民街29號德民大廈地下E1號舖
張貼
